हम एकटा सिक्का छी।
अयलहुँ एहि धरतीपर
कोनो चुनावी बेहरी जकाँ।
देबऽ बला फोललनि अपन
कारी कमाइक पोटरी
आ लेबऽ बला नहि लिखलनि
कोनो खाता-बहीमे।
हाथे-हाथ भऽ गेलहुँ खर्च
कोनो झूठा नेताक पोस्टरमे
की ओकर विदेशी बोतलक तरलतामे।
इहो कोनो बड़का बात नहि जे
हम शामिल होइ ओहि करोड़मे
जे घोटालाक बोरीसँ निकालि
निछावर कयल गेलैक कोनो
क्षीण कटिकाय नायिकाक रातिपर
अथवा
उड़ा देल गेल होइ मोनिका लेवेंस्कीक
कामानन्दक एवजमे।
मुदा ई तँ निश्चिते जे
नहि कहिओ हम खसलहुँ
ओहि छोट-छोट अजोह तरहत्थी मध्य
जे रेलडिब्बाकेँ बहारैत वा
चौकपर ठाढ़ मोटरकेँ पोछैत
भऽ जाइत छैक अनचोकेमे बूढ़।
आइ जखन खिआकऽ बद्दर छी भऽ गेल
तँ होइए अपसोच—
जीलहुँ ने किएक अपन जिनगी
अपना मनमाफिक।
hum ekta sikka chhi.
ayalahun ehi dhartipar
kono chunavi behri jakan.
debऽ bala pholalani apan
kari kamaik potari
aa lebऽ bala nahi likhalani
kono khata bahime.
hathe haath bhaऽ gelahun kharch
kono jhutha netak postarme
ki okar videshi botlak taraltame.
iho kono baDka baat nahi je
hum shamil hoi ohi karoDme
je ghotalak borisan nikali
nichhavar kayal gelaik kono
ksheen katikay nayikak ratipar
athva
uDa del gel hoi monika levenskik
kamanandak evajme.
muda ii tan nishchite je
nahi kahio hum khasalahun
ohi chhot chhot ajoh tarhatthi madhya
je relDibbaken baharait va
chaukpar thaaDh motarken pochhait
bhaऽ jait chhaik anchokeme booDh.
aai jakhan khiakऽ baddar chhi bhaऽ gel
tan hoie apsoch—
jilahun ne kiyek apan jingi
apna manmaphik.
hum ekta sikka chhi.
ayalahun ehi dhartipar
kono chunavi behri jakan.
debऽ bala pholalani apan
kari kamaik potari
aa lebऽ bala nahi likhalani
kono khata bahime.
hathe haath bhaऽ gelahun kharch
kono jhutha netak postarme
ki okar videshi botlak taraltame.
iho kono baDka baat nahi je
hum shamil hoi ohi karoDme
je ghotalak borisan nikali
nichhavar kayal gelaik kono
ksheen katikay nayikak ratipar
athva
uDa del gel hoi monika levenskik
kamanandak evajme.
muda ii tan nishchite je
nahi kahio hum khasalahun
ohi chhot chhot ajoh tarhatthi madhya
je relDibbaken baharait va
chaukpar thaaDh motarken pochhait
bhaऽ jait chhaik anchokeme booDh.
aai jakhan khiakऽ baddar chhi bhaऽ gel
tan hoie apsoch—
jilahun ne kiyek apan jingi
apna manmaphik.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 72)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
