हमरा लग एकटा पुरान किताब अछि
ओहिमे फूल अछि एकटा बड़ पुरान।
सुखाए गेल अछि फूल
चोकटि कारी स्याह भ' गेलैक अछि ओकर गात-गात।
किताबकेँ बचौने छल फूल
आ फूलकेँ किताब, परस्पर
एक-दोसराकेँ बचौने रहबाक सोन्हाउन गमक
घोरि रहल अछि नहुँ-नहुँ जीवनमे।
निरवधि समयक नुकाएल एकटा सपना
मैलमुह पन्नासँ उपटि
दूभिक मूड़ीपर अड़कल ओसक बुन्नीक बरोबरि
ज्योति,
चुबैत अछि हमर चेतनामे
आ सभ्यताक नेहाइपर पिटाइत
हमर बासि देहमे
ब्रह्माण्ड बनि पसरि जाइत अछि।
जखन पघिलैत अछि इतिहास
वर्तमानमे बड़ गहीँर धरि देखाइत अछि टघार।
गढ़ाइत प्रेमक अकथित व्याकरण
हमर लेखनीसँ टघरल अछि
एखन किछु शब्द...
हम दुखकेँ बचाएकेँ रखलहुँ
आ दुख हमरा।
हम फेकब नहि सुखाएल फूल
हमरा,
एखन आर बेसी जीबाक अछि।
hamra lag ekta puran kitab achhi
ohime phool achhi ekta baD puran.
sukhaye gel achhi phool
chokati kari syaah bha gelaik achhi okar gaat gaat.
kitabken bachaune chhal phool
aa phulken kitab, paraspar
ek dosraken bachaune rahbak sonhaun gamak
ghori rahal achhi nahun nahun jivanme.
niravdhi samyak nukayel ekta sapna
mailmuh pannasan upati
dubhik muDipar aDkal osak bunnik barobari
jyoti,
chubait achhi hamar chetname
aa sabhytak nehaipar pitait
hamar basi dehme
brahmanD bani pasari jait achhi.
jakhan paghilait achhi itihas
vartmanme baD gahinr dhari dekhait achhi taghar.
gaDhait premak akthit vyakran
hamar lekhanisan taghral achhi
ekhan kichhu shabd. . .
hum dukhken bachayeken rakhalahun
aa dukh hamra.
hum phekab nahi sukhayel phool
hamra,
ekhan aar besi jibak achhi.
hamra lag ekta puran kitab achhi
ohime phool achhi ekta baD puran.
sukhaye gel achhi phool
chokati kari syaah bha gelaik achhi okar gaat gaat.
kitabken bachaune chhal phool
aa phulken kitab, paraspar
ek dosraken bachaune rahbak sonhaun gamak
ghori rahal achhi nahun nahun jivanme.
niravdhi samyak nukayel ekta sapna
mailmuh pannasan upati
dubhik muDipar aDkal osak bunnik barobari
jyoti,
chubait achhi hamar chetname
aa sabhytak nehaipar pitait
hamar basi dehme
brahmanD bani pasari jait achhi.
jakhan paghilait achhi itihas
vartmanme baD gahinr dhari dekhait achhi taghar.
gaDhait premak akthit vyakran
hamar lekhanisan taghral achhi
ekhan kichhu shabd. . .
hum dukhken bachayeken rakhalahun
aa dukh hamra.
hum phekab nahi sukhayel phool
hamra,
ekhan aar besi jibak achhi.
स्रोत :
पुस्तक : आब कतेक चुप रहू (मैथिली कविता-संग्रह) (पृष्ठ 43)रचनाकार : दीप नारायण
प्रकाशन : राजकमल प्रकाशन, नई दिल्ली
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
