बदरा बूँद न लावै, दैवय दुआ किसानी माँगै,
धरती पानी-पानी माँगे, ना
जो किसान कै जिउ परान ऊ, कुलि खेती मुरझानी।
बोरिंग से अब बात बनय ना, चौपट भई किसानी।
घर पर बँधा जानवर भूखा, नादा-सानी माँगे,
धरती पानी-पानी माँगे ना
इंद्रदेव के पूजा होइ गय, मनिगै कइव मनौती।
अंतिम अस्त्र चलाइन लड़िके, खेलिन काल कलौटी।
कैसी विडम्बना है, भिच्छा प्रभु से, दानी माँगै,
धरती पानी-पानी माँगे ना
चटकी धरती, अटकीं साँसें, का बोवय, का काटय,
हरा खेत भा परती, धरती केर करेजा फाटय,
जल्दी कुसल छेम, ना उनकै राजधानी, माँगै
धरती पानी-पानी माँगे ना
अबहीं तौ लागत है खेती, बूँद-बूँद का तरसी,
झरसी खेती, तब हरषी जब, झमकि कै मघ्घा बरसी।
सासन मुआवजा मा, सूखा केर निशानी माँगे
धरती पानी-पानी माँगे, ना
badra boond na lavai, daivay dua kisani mangai,
dharti pani pani mange, na
jo kisan kai jiu paran uu, kuli kheti murjhani.
boring se ab baat banay na, chaupat bhai kisani.
ghar par bandha janvar bhukha, nada sani mange,
dharti pani pani mange na
indrdev ke puja hoi gay, manigai kaiv manauti.
antim astra chalain laDike, khelin kaal kalauti.
kaisi viDambna hai, bhichchha prabhu se, dani mangai,
dharti pani pani mange na
chatki dharti, atkin sansen, ka bovay, ka katay,
hara khet bha parti, dharti ker kareja phatay,
jaldi kusal chhem, na unakai rajdhani, mangai
dharti pani pani mange na
abhin tau lagat hai kheti, boond boond ka tarsi,
jharsi kheti, tab harshi jab, jhamaki kai maghgha barsi.
sasan muavja ma, sukha ker nishani mange
dharti pani pani mange, na
badra boond na lavai, daivay dua kisani mangai,
dharti pani pani mange, na
jo kisan kai jiu paran uu, kuli kheti murjhani.
boring se ab baat banay na, chaupat bhai kisani.
ghar par bandha janvar bhukha, nada sani mange,
dharti pani pani mange na
indrdev ke puja hoi gay, manigai kaiv manauti.
antim astra chalain laDike, khelin kaal kalauti.
kaisi viDambna hai, bhichchha prabhu se, dani mangai,
dharti pani pani mange na
chatki dharti, atkin sansen, ka bovay, ka katay,
hara khet bha parti, dharti ker kareja phatay,
jaldi kusal chhem, na unakai rajdhani, mangai
dharti pani pani mange na
abhin tau lagat hai kheti, boond boond ka tarsi,
jharsi kheti, tab harshi jab, jhamaki kai maghgha barsi.
sasan muavja ma, sukha ker nishani mange
dharti pani pani mange, na
स्रोत :
पुस्तक : अवधी मिठास (पृष्ठ 59)रचनाकार : मनोज मिश्र ‘कप्तान’
प्रकाशन : सर्वभाषा प्रकाशन, नई दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
