दहेजवा वालेन ते हमारी तकरार
लड़किनिया एम. ए. पास चहीं
लड़िकवा गुलरिक जइसो फूल हइ हमार
लड़िकिनिया एम. ए. पास चहीं
दान दहेज नाय हम माँगिति कुछु ना तुम हमका दीन्हुउ
नवा जबाना ठाट-बाट हइ यहउ जानि तुम लीन्हेउ
लड़िकवक दइ दीन्हुउ तुम केवल अल्टो कार
लड़किनिया एम. ए. पास चहीं
दहेजवा वालेन ते हमारी तकरार...
बिटिया बदि लेबइ करिहौ तुम झुमकी कंगना बाला
साड़ी कपड़ा पैलइ ल्याहउ औ मोतियन के झाला
औ—तुम लइ दीन्हेंउ बसि सोने केरो हार
लड़किनिया एम. ए. पास चहीं
दहेजवा वालेन ते हमारी तकरार...
बिटिया की सुविधा खातिर फ्रिज कूलर पंखा ल्याहउ
अलमारी, बेड, सोफासेट, वासिंग मसीन दइ द्याहउ
बिटियकि देखिबे बदि लइ दीन्हेंउ बी. सी. आर
लड़किनिया एम.ए. पास चही
दहेजवा वालेन ते हमारी तकरार...
नेग जोग मा खूब लुटाएउ चहइ लेहेउ तुम कर्जा
जानति हौ हइ गाँव भरे मा ऊँच हमारउ दर्जा
केरावकि दीन्हेंउ केवल बानबे हजार
लड़िकिनिया एम. ए. पास चहीं
दहेजवा वालेन ते हमारी तकरार...
मोहरे की इज्जति बदि तुम खाना स्टैन्डिंग रखिहौ
जयमाला सिस्टम महियाँ कुछु हमरिउ वर का देखिहौ
बरातिन कहियाँ देबै करिहउ उपहार
लड़किनिया एम. ए. पास चहीं
दहेजवा वालेन ते हमारी तकरार...
dahejva valen te hamari takrar
laDakiniya em. e. paas chahin
laDikva gulrik jaiso phool hai hamar
laDikiniya em. e. paas chahin
daan dahej naay hum mangiti kuchhu na tum hamka dinhuu
nava jabana thaat baat hai yahau jani tum linheu
laDikvak dai dinhuu tum keval alto kaar
laDakiniya em. e. paas chahin
dahejva valen te hamari takrar. . .
bitiya badi lebai karihau tum jhumki kangna bala
saDi kapDa pailai lyahau au motiyan ke jhala
au—tum lai dinhenu basi sone kero haar
laDakiniya em. e. paas chahin
dahejva valen te hamari takrar. . .
bitiya ki suvidha khatir phrij kular pankha lyahau
almari, beD, sophaset, vasing masin dai dyahau
bitiyaki dekhibe badi lai dinhenu bi. si. aar
laDakiniya em. e. paas chahi
dahejva valen te hamari takrar. . .
neg jog ma khoob lutayeu chahai leheu tum karja
janati hau hai gaanv bhare ma uunch hamarau darja
keravaki dinhenu keval banabe hajar
laDikiniya em. e. paas chahin
dahejva valen te hamari takrar. . .
mohre ki ijjati badi tum khana stainDing rakhihau
jaymala sistam mahiyan kuchhu hamariu var ka dekhihau
baratin kahiyan debai karihau uphaar
laDakiniya em. e. paas chahin
dahejva valen te hamari takrar. . .
dahejva valen te hamari takrar
laDakiniya em. e. paas chahin
laDikva gulrik jaiso phool hai hamar
laDikiniya em. e. paas chahin
daan dahej naay hum mangiti kuchhu na tum hamka dinhuu
nava jabana thaat baat hai yahau jani tum linheu
laDikvak dai dinhuu tum keval alto kaar
laDakiniya em. e. paas chahin
dahejva valen te hamari takrar. . .
bitiya badi lebai karihau tum jhumki kangna bala
saDi kapDa pailai lyahau au motiyan ke jhala
au—tum lai dinhenu basi sone kero haar
laDakiniya em. e. paas chahin
dahejva valen te hamari takrar. . .
bitiya ki suvidha khatir phrij kular pankha lyahau
almari, beD, sophaset, vasing masin dai dyahau
bitiyaki dekhibe badi lai dinhenu bi. si. aar
laDakiniya em. e. paas chahi
dahejva valen te hamari takrar. . .
neg jog ma khoob lutayeu chahai leheu tum karja
janati hau hai gaanv bhare ma uunch hamarau darja
keravaki dinhenu keval banabe hajar
laDikiniya em. e. paas chahin
dahejva valen te hamari takrar. . .
mohre ki ijjati badi tum khana stainDing rakhihau
jaymala sistam mahiyan kuchhu hamariu var ka dekhihau
baratin kahiyan debai karihau uphaar
laDakiniya em. e. paas chahin
dahejva valen te hamari takrar. . .
स्रोत :
पुस्तक : सिरका (अवधी गीत संग्रह) (पृष्ठ 14)रचनाकार : जगजीवन मिश्र ‘जीवन’
प्रकाशन : भगवत मेमोरियल इंटर कॉलेज समिति, मिश्रिख, सीतापुर
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
