आज इहाँ आ कल उहाँ, रोज युद्ध के नाच
होत महाभारत तबो, शकुनी जाता बाँच
जवना बड़-तर साल भर रहे मेल के खेल
अब ओह पर बा छा रहल, बैर-फूट के बेल
बहिरा बा दिल्ली अउर बहिरे राज बिहार
जनता बोली जोर से तबे सुनी सरकार
गंगुआ राजा बनल बा, परजा बाड़न भोज
कहीं भोज पर भोज बा, कहीं ओज पर ओज
कुछ फाड़ल कुछ फट गइल संस्कृति के अध्याय
अब त अदमी हो रहल बा, पशु के परयाय
जहर घोराइल रंग में पिचकारी में नाग
भूलऽ जे खेलत रहे हिलमिल पुरखा फाग
बचबऽ आखिर के तरह? डेग-डेग पर घात
हर छाता में छेद बा, बेमौसम बरसात
सुविधन के जे कर रहल बा डट के उपभोग
हमरे-तोहरे बीच में बाटे अइसन लोग
ई आन्हर के राज बा, अन्हरे बा सरकार
इहाँ जे बेची आइना, चउपट कारोबार
अब न बनारस के सुबह अउर अवध के शाम
दूनों जगहा कर रहल बा बादर आराम
पहिले धनिक-गरीब, फेर बड़ आ छोट समाज
राजनीति के कोढ़ अब, जातवाद के खाज
जब-जब पछेया चलत बा, चीखत लागे नीम
जब से ओके ले गइल, बहुराष्ट्रीय टीम
बुलबुल पासे बघनखा, कोइल पास गुलेल
हर डाली पर बइठ के उल्लू करे कुलेल
सातों रंग बिखर गइल, इन्द्रधनुष के आज
एह सीमा तक हो गइल ई बदरंग समाज
चिंउटी से हाथी मरे, छछून्दर से साँप
बाकी बे कारण मरत बा ई मनई आप
एक तरफ जंगल कटल, अउर खुलल उद्योग
दोसरा ओर उगा रहल गमला में वन लोग
जब से भारत में भइल महामुर्ख के खोज
तब से बइठल डाढ़ के काली काटे रोज
रोहित से लगलन कहे हरिश्चन्द्र हो खिन्न
हम भोगलीं दुख, लाल तू रस्ता चुनले भिन्न
खुद ना चललन जे ओकर देश चलावल काम
एक त करिया रंग, फेर कमरी ओढ़ले श्याम
दुनिया के दादा रहे बनल काल्ह जे आप
ओकरो देखऽ मिल गइल आज बाप के बाप
aaj ihaan aa kal uhaan, roj yuddh ke naach
hot mahabharat tabo, shakuni jata baanch
javna baD tar saal bhar rahe mel ke khel
ab oh par ba chha rahal, bair phoot ke bel
bahira ba dilli aur bahire raaj bihar
janta boli jor se tabe suni sarkar
gangua raja banal ba, parja baDan bhoj
kahin bhoj par bhoj ba, kahin oj par oj
kuch phaDal kuch phat gail sanskriti ke adhyay
ab ta admi ho rahal ba, pashu ke paryay
jahar ghorail rang mein pichkari mein naag
bhoolऽ je khelat rahe hilmil purkha phaag
bachabऽ akhir ke tarah? Deg Deg par ghaat
har chhata mein chhed ba, bemausam barsat
suvidhan ke je kar rahal ba Dat ke upbhog
hamre tohre beech mein bate aisan log
ii anhar ke raaj ba, anhre ba sarkar
ihaan je bechi aina, chaupat karobar
ab na banaras ke subah aur avadh ke shaam
dunon jagha kar rahal ba badar aram
pahile dhanik garib, pher baD aa chhot samaj
rajaniti ke koDh ab, jatvad ke khaaj
jab jab pachheya chalat ba, chikhat lage neem
jab se oke le gail, bahurashtriy teem
bulbul pase baghankha, koil paas gulel
har Dali par baith ke ullu kare kulel
saton rang bikhar gail, indradhnush ke aaj
eh sima tak ho gail ii badrang samaj
chinuti se hathi mare, chhachhundar se saanp
baki be karan marat ba ii manii aap
ek taraph jangal katal, aur khulal udyog
dosra or uga rahal gamla mein van log
jab se bharat mein bhail mahamurkh ke khoj
tab se baithal DaaDh ke kali kate roj
rohit se laglan kahe harishchandr ho khinn
hum bhoglin dukh, laal tu rasta chunle bhinn
khud na challan je okar desh chalaval kaam
ek ta kariya rang, pher kamari oDhle shyaam
duniya ke dada rahe banal kaalh je aap
okro dekhऽ mil gail aaj baap ke baap
aaj ihaan aa kal uhaan, roj yuddh ke naach
hot mahabharat tabo, shakuni jata baanch
javna baD tar saal bhar rahe mel ke khel
ab oh par ba chha rahal, bair phoot ke bel
bahira ba dilli aur bahire raaj bihar
janta boli jor se tabe suni sarkar
gangua raja banal ba, parja baDan bhoj
kahin bhoj par bhoj ba, kahin oj par oj
kuch phaDal kuch phat gail sanskriti ke adhyay
ab ta admi ho rahal ba, pashu ke paryay
jahar ghorail rang mein pichkari mein naag
bhoolऽ je khelat rahe hilmil purkha phaag
bachabऽ akhir ke tarah? Deg Deg par ghaat
har chhata mein chhed ba, bemausam barsat
suvidhan ke je kar rahal ba Dat ke upbhog
hamre tohre beech mein bate aisan log
ii anhar ke raaj ba, anhre ba sarkar
ihaan je bechi aina, chaupat karobar
ab na banaras ke subah aur avadh ke shaam
dunon jagha kar rahal ba badar aram
pahile dhanik garib, pher baD aa chhot samaj
rajaniti ke koDh ab, jatvad ke khaaj
jab jab pachheya chalat ba, chikhat lage neem
jab se oke le gail, bahurashtriy teem
bulbul pase baghankha, koil paas gulel
har Dali par baith ke ullu kare kulel
saton rang bikhar gail, indradhnush ke aaj
eh sima tak ho gail ii badrang samaj
chinuti se hathi mare, chhachhundar se saanp
baki be karan marat ba ii manii aap
ek taraph jangal katal, aur khulal udyog
dosra or uga rahal gamla mein van log
jab se bharat mein bhail mahamurkh ke khoj
tab se baithal DaaDh ke kali kate roj
rohit se laglan kahe harishchandr ho khinn
hum bhoglin dukh, laal tu rasta chunle bhinn
khud na challan je okar desh chalaval kaam
ek ta kariya rang, pher kamari oDhle shyaam
duniya ke dada rahe banal kaalh je aap
okro dekhऽ mil gail aaj baap ke baap
स्रोत :
पुस्तक : अनसोहातो (कविता-संग्रह) (पृष्ठ 27)रचनाकार : तैयब हुसैन पीड़ित
प्रकाशन : शब्द संसार, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
