जे जनता से जात बा, लेत आँख बा फेर
कइसन उल्टा फर रहल, आपन रोपल पेड़
ना देशे में अन्न बा, ना कपड़ा, ना मकान
अखबारन में छप रहल, भारत देश महान
एक कम्पनी कर गइल दू सौ साल गुलाम
अब त कम्पनी सैकड़न, आ मस्जिद में राम
कहाँ निशाना बा सधल, होता कवन शिकार
ईश्वर-अल्ला एक ही, बन्दा में तकरार
जेकरा दल में ना खुदे लोकतंत्र के नाम
ओही श्वान के पास बा, लोकतंत्र के चाम
हर करिया करतूत बा जेकरा घुट्टी आज
उहे बोलावत फिर रहल, नैतिकता के राज
करिया से नफरत करे जवन गोर तहजीब
हम करियन के देश में संस्कृति उहे करीब
सवासेर गेंहू जहाँ दे ना सकल सन्तान
विश्व बैंक के करज का दी ई हिन्दुस्तान?
नारी के पूजा कहाँ? कहाँ देव के वास?
उहे वर्ण, नारी-दहन, मनुज-मनुज के दास
गलत किताबन में इहाँ होत सही के खोज
कइसन ई हठयोग ह! कइसन बा ई लोग
je janta se jaat ba, let ankh ba pher
kaisan ulta phar rahal, aapan ropal peD
na deshe mein ann ba, na kapDa, na makan
akhbaran mein chhap rahal, bharat desh mahan
ek kampni kar gail du sau saal gulam
ab ta kampni saikDan, aa masjid mein raam
kahan nishana ba sadhal, hota kavan shikar
iishvar alla ek hi, banda mein takrar
jekara dal mein na khude loktantr ke naam
ohi shvaan ke paas ba, loktantr ke chaam
har kariya kartut ba jekara ghutti aaj
uhe bolavat phir rahal, naitikta ke raaj
kariya se naphrat kare javan gor tahjib
hum kariyan ke desh mein sanskriti uhe karib
savaser genhu jahan de na sakal santan
vishv baink ke karaj ka di ii hindustan?
nari ke puja kahan? kahan dev ke vaas?
uhe varn, nari dahan, manuj manuj ke daas
galat kitaban mein ihaan hot sahi ke khoj
kaisan ii hathyog ha! kaisan ba ii log
je janta se jaat ba, let ankh ba pher
kaisan ulta phar rahal, aapan ropal peD
na deshe mein ann ba, na kapDa, na makan
akhbaran mein chhap rahal, bharat desh mahan
ek kampni kar gail du sau saal gulam
ab ta kampni saikDan, aa masjid mein raam
kahan nishana ba sadhal, hota kavan shikar
iishvar alla ek hi, banda mein takrar
jekara dal mein na khude loktantr ke naam
ohi shvaan ke paas ba, loktantr ke chaam
har kariya kartut ba jekara ghutti aaj
uhe bolavat phir rahal, naitikta ke raaj
kariya se naphrat kare javan gor tahjib
hum kariyan ke desh mein sanskriti uhe karib
savaser genhu jahan de na sakal santan
vishv baink ke karaj ka di ii hindustan?
nari ke puja kahan? kahan dev ke vaas?
uhe varn, nari dahan, manuj manuj ke daas
galat kitaban mein ihaan hot sahi ke khoj
kaisan ii hathyog ha! kaisan ba ii log
स्रोत :
पुस्तक : अनसोहातो (कविता-संग्रह) (पृष्ठ 29)रचनाकार : तैयब हुसैन पीड़ित
प्रकाशन : शब्द संसार, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
