हरियरि धोती धारे,
पियरे दुसाला डारे,
उतरी बसंती-बहार
धरा की लोनी अँगनइया।
चिरियाँ सवारे चहकीं,
डहडही डारे डहकीं,
बगियन कलियाँ महकीं,
सुरुज नरायन भोरे,
सोनिल ललौंछे गोरे,
तानैं किरन केरि तार,
उमिरि बारी लरिकइयाँ।
उजल उजल जलु,
बिकसा कमल-कुलु
अधमुँद कुमुद-दलु
ललचाने भौंरा घौरइँ
तितुली ममाखी दौरइँ,
तलिया हरी की ससुरारि
गरुण-सी बोलैं सरसइयाँ।
जौ की चिकनिया पाती,
चना की मटक माती,
गोहूँ कि गमकैं पाँती,
फुलियानी अहीं लहकै,
देखि-देखि हियरा बहकै,
सरसौं लहरियादार,
पवन बहै पुरुवइया।
मटर उजलि फूले,
असमानी अकसा झूले
छिनु-छिनु बथुवा ऊले,
म्याढ़न नबेली धावइँ
बुलबुल तानै गावइँ,
पपिहा की पी-पी पुकार,
बजति मानउँ सहनइया।
सतरंग अँचरा लहरै,
नेह की पताका फहरै,
रंगी कितबिया छहरै,
छिटकैं छबीली अलकइँ
सुखदा सुहानी पलकइँ,
तुन तुन बाजइ सितार,
बिराजी सरसुती मइया।
उतरी बसंती बहार
धरा की लोनी अँगनइया।
hariyari dhoti dhare,
piyre dusala Dare,
utri basanti bahar
dhara ki loni anganiya.
chiriyan savare chahkin,
DahaDhi Dare Dahkin,
bagiyan kaliyan mahkin,
suruj narayan bhore,
sonil lalaunchhe gore,
tanain kiran keri taar,
umiri bari larikaiyan.
ujal ujal jalu,
biksa kamal kulu
adhamund kumud dalu
lalchane bhaunra ghaurain
tituli mamakhi daurain,
taliya hari ki sasurari
garun si bolain sarasaiyan.
jau ki chikniya pati,
chana ki matak mati,
gohun ki gamakain panti,
phuliyani ahin lahakai,
dekhi dekhi hiyra bahakai,
sarsaun lahriyadar,
pavan bahai puruvaiya.
matar ujali phule,
asmani aksa jhule
chhinu chhinu bathuva uule,
myaDhan nabeli dhavain
bulbul tanai gavain,
papiha ki pi pi pukar,
bajati manaun sahanaiya.
satrang anchara laharai,
neh ki pataka phaharai,
rangi kitabiya chhaharai,
chhitakain chhabili alakain
sukhda suhani palakain,
tun tun bajai sitar,
biraji sarasuti maiya.
utri basanti bahar
dhara ki loni anganiya.
hariyari dhoti dhare,
piyre dusala Dare,
utri basanti bahar
dhara ki loni anganiya.
chiriyan savare chahkin,
DahaDhi Dare Dahkin,
bagiyan kaliyan mahkin,
suruj narayan bhore,
sonil lalaunchhe gore,
tanain kiran keri taar,
umiri bari larikaiyan.
ujal ujal jalu,
biksa kamal kulu
adhamund kumud dalu
lalchane bhaunra ghaurain
tituli mamakhi daurain,
taliya hari ki sasurari
garun si bolain sarasaiyan.
jau ki chikniya pati,
chana ki matak mati,
gohun ki gamakain panti,
phuliyani ahin lahakai,
dekhi dekhi hiyra bahakai,
sarsaun lahriyadar,
pavan bahai puruvaiya.
matar ujali phule,
asmani aksa jhule
chhinu chhinu bathuva uule,
myaDhan nabeli dhavain
bulbul tanai gavain,
papiha ki pi pi pukar,
bajati manaun sahanaiya.
satrang anchara laharai,
neh ki pataka phaharai,
rangi kitabiya chhaharai,
chhitakain chhabili alakain
sukhda suhani palakain,
tun tun bajai sitar,
biraji sarasuti maiya.
utri basanti bahar
dhara ki loni anganiya.
स्रोत :
पुस्तक : अरघान (पृष्ठ 21)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
