की कहलहुँ?
नहि छिअनि जनैत हमरा बापकेँ अहाँ?
नहि सुनल अछि हुनकर नाम?
आहिरेब्बा!
से तँ सुपते किने
अहाँ किए चिन्हबनि हुनका!
हुनका नामपर छैक
एकोटा पार्क कि सड़क
चौक कि पुल
ने कतहु पथरायल मूर्ति छनि गाड़ल
ने हुनका नाममे कोनो नेताक
नांगरिए छलनि लागल
ने माननीय आ महामहिम
बनि जयबाक छलनि लूरि
ने जेबकतरा भऽ सकलाह
ने बटमार।
ओ रहरहाँ हुसि जाइत छलाह
जोगाड़ टेक्नोलॉजीक विद्यामे।
ओ अपन बापे सनक सनकी सेहो छलाह।
हुनकर बापो
जमीन-जत्था रहथिन देने बेचि
आजादीक खुशफहमीमे
आ एकटा सेनानी पेंशन धरि लेल
पड़ैत रहलनि भाम्ही
अवसरक दोहन करबाक बदला
अगुरबानेक परम्परा रहलनि
सबदिन खनदानी।
भाषण धुरझार
बुधिआ काल पछुआर।
तकर भोगबो कयलनि बेस दुर्गति
तैओ नहि सिखलनि कोनो अवगति।
डारि चुकल बानर जकाँ सबदिन
छहोछित भेल गुम्हरैत रहलाह
ने अप्पन कयलनि भला
ने पापीएकेँ बरजि सकलाह।
महतमाक बानर बनबाक बदला
जँ उठौने रहितथि हुनके कुकुरमारा डांग
तँ आइ दोसर रंगक देश होइत
अहूँ चिन्हि जइतहुँ हमरा बापकेँ झट दऽ
आ ने हुनके अगबे क्लेश होइतए।
ki kahalahun?
nahi chhiani janait hamra bapken ahan?
nahi sunal achhi hunkar naam?
ahirebba!
se tan supte kine
ahan kiye chinhabani hunka!
hunka nampar chhaik
ekota park ki saDak
chauk ki pul
ne katahu pathrayal murti chhani gaDal
ne hunka namme kono netak
nangariye chhalani lagal
ne mananiy aa mahamahim
bani jaybak chhalani luri
ne jebakatra bhaऽ saklah
ne batmar.
o raharhan husi jait chhalah
jogaD teknolaujik vidyame.
o apan bape sanak sanki seho chhalah.
hunkar bapo
jamin jattha rahthin dene bechi
ajadik khushaphahmime
aa ekta senani penshan dhari lel
paDait rahalani bhamhi
avasrak dohan karbak badla
agurbanek parampara rahalani
sabdin khandani.
bhashan dhurjhar
budhia kaal pachhuar.
takar bhogbo kayalani bes durgati
taio nahi sikhalani kono avagti.
Dari chukal banar jakan sabdin
chhahochhit bhel gumhrait rahlah
ne appan kayalani bhala
ne papiyeken baraji saklah.
mahatmak banar banbak badla
jan uthaune rahitathi hunke kukurmara Daang
tan aai dosar rangak desh hoit
ahun chinhi jaitahun hamra bapken jhat daऽ
aa ne hunke agbe klesh hoite.
ki kahalahun?
nahi chhiani janait hamra bapken ahan?
nahi sunal achhi hunkar naam?
ahirebba!
se tan supte kine
ahan kiye chinhabani hunka!
hunka nampar chhaik
ekota park ki saDak
chauk ki pul
ne katahu pathrayal murti chhani gaDal
ne hunka namme kono netak
nangariye chhalani lagal
ne mananiy aa mahamahim
bani jaybak chhalani luri
ne jebakatra bhaऽ saklah
ne batmar.
o raharhan husi jait chhalah
jogaD teknolaujik vidyame.
o apan bape sanak sanki seho chhalah.
hunkar bapo
jamin jattha rahthin dene bechi
ajadik khushaphahmime
aa ekta senani penshan dhari lel
paDait rahalani bhamhi
avasrak dohan karbak badla
agurbanek parampara rahalani
sabdin khandani.
bhashan dhurjhar
budhia kaal pachhuar.
takar bhogbo kayalani bes durgati
taio nahi sikhalani kono avagti.
Dari chukal banar jakan sabdin
chhahochhit bhel gumhrait rahlah
ne appan kayalani bhala
ne papiyeken baraji saklah.
mahatmak banar banbak badla
jan uthaune rahitathi hunke kukurmara Daang
tan aai dosar rangak desh hoit
ahun chinhi jaitahun hamra bapken jhat daऽ
aa ne hunke agbe klesh hoite.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 17)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
