ऊ गवा जमाना पुरखन कै, अब बना कोढ़ मा खाज अहय।
गजबै ई गाँव-समाज अहय।
ई नइकी पीढ़ी का जानइ अपनी सुन्दर परिपाटी का।
ई का जानइ की चंदन हम समझी था अपनी माटी का।
ई का जानइ की बूढ़ पुरनियन कै कइसे सम्मान करी।
ई का जानइ कि ई गलती इनकै केतना नुसकान करी।
जे पाइस इनकै असिरबाद ऊ बना आज सरताज अहय।
गजबै ई गाँव-समाज अहय।
पहिले कै बात बताई का ऊ बोली काका दादा कै।
सब करयं पैलगी छोट-बड़ा इज्जत राखयँ मरजादा कै।
सब बड़े बुजुरगन गुरुअन का आदर से सीस नवाइ लेयँ।
ओनकी चरनन कै धूरि लपकि माथे पै वै लपटाइ लेयँ।
अब केहुका चिन्हतय नहीं केहू, ना तनिकौ अदब लिहाज अहय।
गजबै ई गाँव-समाज अहय।
पहिले सब सबकै मदत करयँ सबके सुख-दुख मा खड़ा रहयँ।
जौ परय परोजन टोला मा सब हेती मेली अड़ा रहयँ।
बिगड़ै ना पावइ मरजादा सब तन मन धन लइ फाटि परयँ।
केहु करय जौ तनिकउ इगिर-दिगिर तौ ओहका सबकेहु डाटि परयँ।
अब परे परोजने तिउहारे सग भाइउ कै बेरवाज अहय।
गजबै ई गाँव-समाज अहय।
पहिले तौ रान्ह परोसी सब आपस मा हिलि-मिलि रहा करयँ।
कउड़ा पै सब मिसकउट होय सबसे सब सुख दुख कहा करयँ।
संझा की बनय रसोई तौ जे जहाँ रहय ऊ खाइ लेय।
ना ऊँच नीच ना भेदभाउ सबकेहु परसादी पाइ लेय।
अब मन मा इरखादोख भरा जे देखा तुनुकमिजाज अहय।
गजबै ई गाँव-समाज अहय।
कंचित केहुके दरवाजे पै केहु नात कबीला आइ परय।
तौ सग सोदर से पहिलेन ओहका सारा गाँव मयाइ परय।
केहु खड़ा पकौड़ी बनवावे, केहु आलू मटर तलाये बा।
केहु चाय छनाये खड़ा रहय, केहु लेहे सुपारी धाये बा।
अब बिना बाति के जे देखा एक दूसरे से नाराज अहय।
गजबै ई गाँव-समाज अहय।
uu gava jamana purkhan kai, ab bana koDh ma khaaj ahay.
gajabai ii gaanv samaj ahay.
ii naiki piDhi ka janai apni sundar paripati ka.
ii ka janai ki chandan hum samjhi tha apni mati ka.
ii ka janai ki booDh puraniyan kai kaise samman kari.
ii ka janai ki ii galti inakai ketna nuskan kari.
je pais inakai asirbad uu bana aaj sartaj ahay.
gajabai ii gaanv samaj ahay.
pahile kai baat batai ka uu boli kaka dada kai.
sab karayan pailagi chhot baDa ijjat rakhayan marjada kai.
sab baDe bujurgan guruan ka aadar se sees navai leyan.
onki charnan kai dhuri lapaki mathe pai vai laptai leyan.
ab kehuka chinhtay nahin kehu, na tanikau adab lihaj ahay.
gajabai ii gaanv samaj ahay.
pahile sab sabakai madat karayan sabke sukh dukh ma khaDa rahayan.
jau paray parojan tola ma sab heti meli aDa rahayan.
bigaDai na pavai marjada sab tan man dhan lai phati parayan.
kehu karay jau tanikau igir digir tau ohka sabkehu Dati parayan.
ab pare parojne tiuhare sag bhaiu kai bervaj ahay.
gajabai ii gaanv samaj ahay.
pahile tau raanh parosi sab aapas ma hili mili raha karayan.
kauDa pai sab misakut hoy sabse sab sukh dukh kaha karayan.
sanjha ki banay rasoi tau je jahan rahay uu khai ley.
na uunch neech na bhedbhau sabkehu parsadi pai ley.
ab man ma irkhadokh bhara je dekha tunukamijaj ahay.
gajabai ii gaanv samaj ahay.
kanchit kehuke darvaje pai kehu naat kabila aai paray.
tau sag sodar se pahilen ohka sara gaanv mayai paray.
kehu khaDa pakauDi banvave, kehu aalu matar talaye ba.
kehu chaay chhanaye khaDa rahay, kehu lehe supari dhaye ba.
ab bina bati ke je dekha ek dusre se naraj ahay.
gajabai ii gaanv samaj ahay.
uu gava jamana purkhan kai, ab bana koDh ma khaaj ahay.
gajabai ii gaanv samaj ahay.
ii naiki piDhi ka janai apni sundar paripati ka.
ii ka janai ki chandan hum samjhi tha apni mati ka.
ii ka janai ki booDh puraniyan kai kaise samman kari.
ii ka janai ki ii galti inakai ketna nuskan kari.
je pais inakai asirbad uu bana aaj sartaj ahay.
gajabai ii gaanv samaj ahay.
pahile kai baat batai ka uu boli kaka dada kai.
sab karayan pailagi chhot baDa ijjat rakhayan marjada kai.
sab baDe bujurgan guruan ka aadar se sees navai leyan.
onki charnan kai dhuri lapaki mathe pai vai laptai leyan.
ab kehuka chinhtay nahin kehu, na tanikau adab lihaj ahay.
gajabai ii gaanv samaj ahay.
pahile sab sabakai madat karayan sabke sukh dukh ma khaDa rahayan.
jau paray parojan tola ma sab heti meli aDa rahayan.
bigaDai na pavai marjada sab tan man dhan lai phati parayan.
kehu karay jau tanikau igir digir tau ohka sabkehu Dati parayan.
ab pare parojne tiuhare sag bhaiu kai bervaj ahay.
gajabai ii gaanv samaj ahay.
pahile tau raanh parosi sab aapas ma hili mili raha karayan.
kauDa pai sab misakut hoy sabse sab sukh dukh kaha karayan.
sanjha ki banay rasoi tau je jahan rahay uu khai ley.
na uunch neech na bhedbhau sabkehu parsadi pai ley.
ab man ma irkhadokh bhara je dekha tunukamijaj ahay.
gajabai ii gaanv samaj ahay.
kanchit kehuke darvaje pai kehu naat kabila aai paray.
tau sag sodar se pahilen ohka sara gaanv mayai paray.
kehu khaDa pakauDi banvave, kehu aalu matar talaye ba.
kehu chaay chhanaye khaDa rahay, kehu lehe supari dhaye ba.
ab bina bati ke je dekha ek dusre se naraj ahay.
gajabai ii gaanv samaj ahay.
स्रोत :
रचनाकार : अनुज नागेंद्र
प्रकाशन : हिन्दवी के लिए लेखक द्वारा चयनित
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
