मारिते रास आखर भरल छैक
शब्दकोशमे
हजारक हजार, लाखक लाख
अरबो खरबो भ' सकैछ
मुदा हम सभ
अपना हिसाबे, अपना सुविधानुसारे
बीछि लेने छी किछु आखर
अंगेजल, अखियासल अछि
किछु आखर सभ
अपन विचार, अपन बतकही
अपन सर्जनाक लेल
पेड़ैत रहैत छी
ओहि चुनल आखर सभकेँ
निर्भर रहैत छी
ओतबे आखरपर
बना देने छियैक आखरकेँ
जमीन-जजात किंबा धन-सम्पति सन
मलिकाना हक बुझि लेने छी
निर्धारित क' देने छियैक
ओकर सीमा, परिधि वितानकेँ
मोसकिल तखन होइत अछि
जखन बान्हि दैत छी
कविताकेँ
अपन ओहि सीमित शब्दकोषमे
औनाइत रहैत छैक कविताक मोन
सीमित आखरक खाँचमे
हम क' दैत छियैक
कविताक वितानकेँ संकुचित
मूनि लैत छी
अपन कान, अपन आँखि
नहि सुनय चाहैत छी
कविताक व्यथा
नहि देखय चाहैत छी
ओकर छटपटी
बेढ़ि देने छियैक कविताकेँ
अपन पसीनक आखरक
किछु करचीसँ
जखन की
भरल पड़ल छैक
शब्दकोश
मारिते रास आखरसँ...!
marite raas akhar bharal chhaik
shabdkoshme
hajarak hajar, lakhak laakh
arbo kharbo bha sakaichh
muda hum sabh
apna hisabe, apna suvidhanusare
bichhi lene chhi kichhu akhar
angejal, akhiyasal achhi
kichhu akhar sabh
apan vichar, apan batakhi
apan sarjnak lel
peDait rahait chhi
ohi chunal akhar sabhken
nirbhar rahait chhi
otbe akharpar
bana dene chhiyaik akharken
jamin jajat kimba dhan sampati san
malikana hak bujhi lene chhi
nirdharit ka dene chhiyaik
okar sima, paridhi vitanken
moskil takhan hoit achhi
jakhan banhi dait chhi
kavitaken
apan ohi simit shabdkoshme
aunait rahait chhaik kavitak mon
simit akhrak khanchame
hum ka dait chhiyaik
kavitak vitanken sankuchit
muni lait chhi
apan kaan, apan ankhi
nahi sunay chahait chhi
kavitak vyatha
nahi dekhay chahait chhi
okar chhatpati
beDhi dene chhiyaik kavitaken
apan pasinak akhrak
kichhu karachisan
jakhan ki
bharal paDal chhaik
shabdkosh
marite raas akharasan. . . !
marite raas akhar bharal chhaik
shabdkoshme
hajarak hajar, lakhak laakh
arbo kharbo bha sakaichh
muda hum sabh
apna hisabe, apna suvidhanusare
bichhi lene chhi kichhu akhar
angejal, akhiyasal achhi
kichhu akhar sabh
apan vichar, apan batakhi
apan sarjnak lel
peDait rahait chhi
ohi chunal akhar sabhken
nirbhar rahait chhi
otbe akharpar
bana dene chhiyaik akharken
jamin jajat kimba dhan sampati san
malikana hak bujhi lene chhi
nirdharit ka dene chhiyaik
okar sima, paridhi vitanken
moskil takhan hoit achhi
jakhan banhi dait chhi
kavitaken
apan ohi simit shabdkoshme
aunait rahait chhaik kavitak mon
simit akhrak khanchame
hum ka dait chhiyaik
kavitak vitanken sankuchit
muni lait chhi
apan kaan, apan ankhi
nahi sunay chahait chhi
kavitak vyatha
nahi dekhay chahait chhi
okar chhatpati
beDhi dene chhiyaik kavitaken
apan pasinak akhrak
kichhu karachisan
jakhan ki
bharal paDal chhaik
shabdkosh
marite raas akharasan. . . !
स्रोत :
पुस्तक : ई नहि थिक हमर प्रार्थना (पृष्ठ 87)रचनाकार : आनन्द मोहन झा
प्रकाशन : नवारम्भ, मधुबनी/पटना
संस्करण : 2020
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
