अपने चुनल सरकार द्वारा बनाओल गेल
विधनाक हाथक कठपुतरी
करजा मे जीयबाक हिस्सक केँ जोगबैत
दराड़ि फाटल खेतक आरि पर बैसल किसान
बड़ उमेद सँ तकैत अछि
अकास दिस
जेना कि कोनो नवयौवना
परदेसियाक करैत अछि प्रतीक्षा
तहिना
ओ आँखि पाथने अछि
अरदरा नक्षत्र लेल
बदराक देह सँ चूबैत पानि
तृप्त क' सकैत अछि
निराशाक काँट सँ बेधल ओकर मोन
मुदा
माथक ऊपर सँ
उड़ियाइत रहैत अछि बदरा
नहि होइ छै मिसियो भरि दरेग
दूर बुढ़बा जामुनक इरोत सँ
मुड़ियारी दैत सुरुज केँ देखि
सन्हिया जाइत अछि आर निराशा
कतय सँ चुकता हेतै महाजनक करजा?
सरकारक लोन
कोना चलतै घर?
छराओल जेतै चार
जोड़ा लागतै बड़द
कोन विधिये हेतैक
दू गोट कुमारि बेटीक बियाह?
एहन समय मे
सहजहि कयल जा सकैत अछि आत्महत्या
फँसरी लगेबाक लेल प्रसिद्ध
पुरनी गाछीक सखुआ केँ
एक बेर फेर सँ
कयल जा सकैत अछि उपयोग
बढ़ाओल जा सकैत अछि ओकर 'कु-प्रसिद्धि'।
apne chunal sarkar dvara banaol gel
vidhnak hathak kathaputri
karja mae jiybak hissak ken jogbait
daraDi phatal khetak aari par baisal kisan
baD umed san takait achhi
akas dis
jena ki kono navyauvana
pardesiyak karait achhi prtiksha
tahina
o ankhi pathne achhi
aradra nakshatr lel
badrak deh san chubait pani
tript ka sakait achhi
nirashak kaant san bedhal okar mon
muda
mathak uupar san
uDiyait rahait achhi badra
nahi hoi chhai misiyo bhari dareg
door buDhba jamunak irot san
muDiyari dait suruj ken dekhi
sanhiya jait achhi aar nirasha
katay san chukta hetai mahajnak karja?
sarkarak lon
kona chalatai ghar?
chharaol jetai chaar
joDa lagatai baDad
kon vidhiye hetaik
du got kumari betik biyah?
ehan samay mae
sahajahi kayal ja sakait achhi atmahatya
phansri lagebak lel prasiddh
purni gachhik sakhua ken
ek ber pher san
kayal ja sakait achhi upyog
baDhaol ja sakait achhi okar ku prasiddhi.
apne chunal sarkar dvara banaol gel
vidhnak hathak kathaputri
karja mae jiybak hissak ken jogbait
daraDi phatal khetak aari par baisal kisan
baD umed san takait achhi
akas dis
jena ki kono navyauvana
pardesiyak karait achhi prtiksha
tahina
o ankhi pathne achhi
aradra nakshatr lel
badrak deh san chubait pani
tript ka sakait achhi
nirashak kaant san bedhal okar mon
muda
mathak uupar san
uDiyait rahait achhi badra
nahi hoi chhai misiyo bhari dareg
door buDhba jamunak irot san
muDiyari dait suruj ken dekhi
sanhiya jait achhi aar nirasha
katay san chukta hetai mahajnak karja?
sarkarak lon
kona chalatai ghar?
chharaol jetai chaar
joDa lagatai baDad
kon vidhiye hetaik
du got kumari betik biyah?
ehan samay mae
sahajahi kayal ja sakait achhi atmahatya
phansri lagebak lel prasiddh
purni gachhik sakhua ken
ek ber pher san
kayal ja sakait achhi upyog
baDhaol ja sakait achhi okar ku prasiddhi.
स्रोत :
पुस्तक : पेटकुनियाँ लधने प्रश्न (पृष्ठ 27)रचनाकार : सुमित मिश्र गुंजन
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
