आपन गाँव भेंटाते नइखे
aapan gaanv bhentate naikhe
कजरी, सोहर गीत भुलाइल कहँवाँ जाता
जइसे जिनिगी में कवनो उल्लासे नइखे
थाकल मन के इचिको मिलत सवाँसे नइखे
भार भइल जिनिगी कहँवाँ, अब तनिक सोहाता।
लय जिनिगी से भागल, कहँवाँ अब पकड़ाता
छितराइल सुर सातो, गीत गवाते नइखे
भीड़-भाड़ में आपन गाँव भेंटाते नइखे
झूमत रहे फसल जहँवा अब कास फुलाता।
हर चेहरा अजनबी हो गइल, देख लोगे
कइसन कठिन समय आइल बा आपन-आपन
लोग बजावत डफली देखीं। भागे-जोगे
माथा बाँचल। भइल कचाइन, सभा-समापन
परजा करे कमाई राजा बइठल भोगे
बइठीं चुप मत। चल के भंग करीं अनुशासन।
स्रोत :
- पुस्तक : आपन गाँव भेंटाते नइखे (पृष्ठ 17)
- रचनाकार : कृष्णानन्द कृष्ण
- प्रकाशन : पुनः प्रकाशन, पटना
- संस्करण : 2012
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
