सरिपहु अहाँ भैया कमाल करै छी
saripahu ahan bhaiya kamal karai chhi
सरिपहु अहाँ भैया कमाल करै छी
अछि भ्रष्ट आचरण मुदा गाल करै छी।
पीबै छी गोनरिनर टीनक टीन छी
लोकक लग आदर्शक ताल करै छी।
घार जकाँ बसुलाक अपने दिस घूमल
अपने के अपने नेहाल करै छी।
कएल जे विरोध ओ लटकल त्रिशंकु सन
तरेतर तेहन ने जाल करै छी।
हितैषी बोनिहारक नापक लेल बोनि
अढ़ैया घट्टी, तरजू-टाल रखै छी।
स्रोत :
- पुस्तक : कान्ह पर लहास हमर [मैथिली गजल संग्रह] (पृष्ठ 24)
- रचनाकार : कलानन्द भट्ट
- प्रकाशन : किसुन संकल्प लोक, सुपौल
- संस्करण : 1983
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
