नबका-नबका शोध लिखलकै
nabka nabka shodh likhalakai
नबका-नबका शोध लिखलकै
पहिने ओ प्रतिरोध लिखलकै।
वर्ज्य विषय पर लिखबा छल तेँ
देहक आतम बोध लिखलकै।
देखल एहिसँ किछु ने हासिल
अनुनय आ अनुरोध लिखलकै।
हमरासँ क्यो आगू हेतै
रस्तामे अवरोध लिखलकै।
हमहूँ प्रगतिशील कहाबी
तेँ सीताक विरोध लिखलकै।
स्रोत :
- पुस्तक : तेँ ओ बजलैए (पृष्ठ 30)
- रचनाकार : आनन्द मोहन झा
- प्रकाशन : नवारम्भ, मधुबनी/पटना
- संस्करण : 2023
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
