मुस्की ने आबि सकतै कहियो
muski ne aabi sakatai kahiyo
मुस्की ने आबि सकतै कहियो ई ठोरपर
जिनगी कोना बितयबै आँखिकेर नोरपर
कनिञे दया तँ करियौ जिनगी कठोरपर
कहियो ने लोभ हमरा अनकर करोड़पर
भरि पेट अन्न हमरा हेतै नसीब कहिया
बितलै उमेर हमरो डोकाक झोरपर
पैसाक युग आयल गुणक ने मोल होइछ
दुनियाँ तँ मरि रहल अछि कारी आ गोरपर
चेफरी पहिरि रहबै इज्जति ने हम गमयबै
नीयत ने हम डिगयबै ककरो पटोरपर
जनमे हमर भेलैए आफत जुलुम सहऽ लए
आङुर ने उठतै ककरो जुल्मी आ चोरपर
स्रोत :
- पुस्तक : पहरा इमानपर (मैथिली गजल-संग्रह) (पृष्ठ 22)
- रचनाकार : बाबा बैधनाथ
- प्रकाशन : गौरी प्रकाशन, कचहरी बलुआ, पूर्णिया
- संस्करण : 1989
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
