उनका आँखिन से
unka ankhin se
उनका आँखिन से झर गइल पानी
हमरा आँखिन में भर गइल पानी
खुद के ऐनक में देखके लागल
जइसे, घइलन बा पर गइल पानी
जिन्दगी का निसा चढ़ल बाटे
उम्र के बा उतर गइल पानी
हमरा रोवला के अर्थ लागल हऽ
हमरा आँखिन के ढर गइल पानी
कइसे ऊ शख्स, यार, जिन्दा बा
जेकरा आँखिन के मर गइल पानी
आग बन-बन के जे भी आइल हऽ
जिन्दगी सबके कर गइल पानी
हम त आँखिन में बान्हि के रखलीं
कइसे सगरो पसर गइल पानी
स्रोत :
- पुस्तक : खुद के तलाशत (पृष्ठ 16)
- रचनाकार : जगन्नाथ
- प्रकाशन : भोजपुरी साहित्य प्रतिष्ठान, पटना
- संस्करण : 2015
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
