जिनगी भरि हम कनैत रहलहुँ
jingi bhari hum kanait rahalahun
जिनगी भरि हम कनैत रहलहुँ
जुल्म अहाँक सभ सहैत रहलहु
नारीक रूपमे जनम लेल तेँ
कठपुतरी बनि नचैत रहलहुँ
देखि हमर हालतिकेँ अपने
खुलि-खुलि खूब हँसैत रहलहुँ
त्याग, दयाकेर मूर्ति बनल हम
मोमबत्ती सन जरैत रहलहुँ
तामस नहि भड़कय अपने केर
एहि डरसँ हम डरैत रहलहुँ
आश्वासनकेर बोल जहर सन
अहाँ कहैत हम सुनैत रहलहुँ
केहनो योग्य बनी तइयो हम
तिलक वेदीपर चढ़ैत रहलहुँ
ककरा लग दुःख प्रगट करू हम
तिल-तिल कऽ तेँ गलैत रहलहुँ
लऽ कोदारि अपनहि हाथेँ हम
कब्र अपन कियै खुनैत रहलहु
भऽ निराश हम एहि जिनगीसँ
मौतक दिन नित गनैत रहलहुँ
स्रोत :
- पुस्तक : पहरा इमानपर (मैथिली गजल-संग्रह) (पृष्ठ 17)
- रचनाकार : बाबा बैधनाथ
- प्रकाशन : गौरी प्रकाशन, कचहरी बलुआ, पूर्णिया
- संस्करण : 1989
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
