अहाँक आइ कोनो आने रंग देखइ छी।
बगय अपूर्व किछ विशेष ढंग देखइ छी।
चमत्कार कहू, आइ कोन भेल अछि जग मे?
कोनो विलक्षणे ऊर्जा-उमंग देखइ छी।
बसात लागि कतहु की वसन्तक गेल अछि
फुलल गुलाब जकाँ अंग-अंग देखइ छी।
फराके आन दिनसँ चालिमे अछि मस्ती;
मिजाज दंग, की बजैत जेँ मृंदग देखइ छी।
कमान-तीर चढ़ल, आओर कान धरि तानल;
नजरि पड़ैत ई घायल, विहंग देखइ छी।
निसा सवार भऽ जाइछ बिना किछु पीने,
अहाँक आँखिमे हम रंग भंग देखइ छी।
मयूर प्राण हमर पाँखि फुला कऽ नाचय;
बनल वि'जुलता घटाक संग देखइ छी।
लगैछ रूप केहन लहलह करैत आजुक,
जेना कि फण बढ़ौने भुजंग देखइ छी।
उदार पयर पड़त आहाँक कोना एहि ठाँ?
विशाल भाग्य मुदा, धरे तंग देखइ छी।
कतहु ने जाउ, रहू भरि फागुन तँ सोझे।
अनंग आणि लगो, हम अनंग देखइ छी॥
ahank aai kono aane rang dekhai chhi.
bagay apurv kichh vishesh Dhang dekhai chhi.
chamatkar kahu, aai kon bhel achhi jag mae?
kono vilakshne uurja umang dekhai chhi.
basat lagi katahu ki vasantak gel achhi
phulal gulab jakan ang ang dekhai chhi.
pharake aan dinasan chalime achhi masti;
mijaj dang, ki bajait jen mrindag dekhai chhi.
kaman teer chaDhal, aaor kaan dhari tanal;
najri paDait ii ghayal, vihang dekhai chhi.
nisa savar bhaऽ jaichh bina kichhu pine,
ahank ankhime hum rang bhang dekhai chhi.
mayur praan hamar pankhi phula kaऽ nachay;
banal vijulta ghatak sang dekhai chhi.
lagaichh roop kehan lahlah karait aajuk,
jena ki phan baDhaune bhujang dekhai chhi.
udaar payar paDat ahank kona ehi thaan?
vishal bhagya muda, dhare tang dekhai chhi.
katahu ne jau, rahu bhari phagun tan sojhe.
anang aani lago, hum anang dekhai chhee॥
ahank aai kono aane rang dekhai chhi.
bagay apurv kichh vishesh Dhang dekhai chhi.
chamatkar kahu, aai kon bhel achhi jag mae?
kono vilakshne uurja umang dekhai chhi.
basat lagi katahu ki vasantak gel achhi
phulal gulab jakan ang ang dekhai chhi.
pharake aan dinasan chalime achhi masti;
mijaj dang, ki bajait jen mrindag dekhai chhi.
kaman teer chaDhal, aaor kaan dhari tanal;
najri paDait ii ghayal, vihang dekhai chhi.
nisa savar bhaऽ jaichh bina kichhu pine,
ahank ankhime hum rang bhang dekhai chhi.
mayur praan hamar pankhi phula kaऽ nachay;
banal vijulta ghatak sang dekhai chhi.
lagaichh roop kehan lahlah karait aajuk,
jena ki phan baDhaune bhujang dekhai chhi.
udaar payar paDat ahank kona ehi thaan?
vishal bhagya muda, dhare tang dekhai chhi.
katahu ne jau, rahu bhari phagun tan sojhe.
anang aani lago, hum anang dekhai chhee॥
स्रोत :
पुस्तक : सूर्यमुखी (पृष्ठ 96)रचनाकार : आरसी प्रसाद सिंह
प्रकाशन : मैथिली अकादमी, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
