अन्तरमे नित्य महाभारत चलैए
antarme nitya mahabharat chalaiye
अन्तरमे नित्य महाभारत चलैए
घेरा व्यूहमे अभिमन्यू मरैए
अपन आँत अपने पका आगिमे
बैसल गाछ तर, भीम भूखल चखैए
छै डाका पड़ल घर, खसल वज्र नभसँ
माथपर हाथ घयने युधिष्ठिर कनैए
आन्हरक सन्तान सह-सह करै अछि
अर्जुनकेँ सभ क्यो नपुंसक कहैए
बिना वस्त्र कृष्ण घयल बाट बोनक
भयसँ दुःशासन केर थर-थर कँपैए
स्रोत :
- पुस्तक : कान्ह पर लहास हमर [मैथिली गजल संग्रह] (पृष्ठ 34)
- रचनाकार : कलानन्द भट्ट
- प्रकाशन : किसुन संकल्प लोक, सुपौल
- संस्करण : 1983
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
