आऊ-आऊ-आऊ सभक स्वागत करै छी,
नैन मे समाउ हृदयासन धरै छी।
उल्लासक गीत कतऽ सगरो करूणा क्रन्दन,
उपटि रहल विपटि रहल मैथिलीक नन्दन वन,
भ्रमर झुण्ड प्यासल छथि विहग वृन्द बड़ भूखल,
मुरुझल छथि आम-मऽहु रऽसक सरिता सूखल,
बबुरे वन कवि कोकिल लाजे मरै छी।
आऊ…
विद्यापति शिव स्वरूप मृत्युंजय मऽरल छथि,
हमरा सबहक अभाग अजरो भऽ जऽड़ल छथि,
मात्र ई समारोही गोष्ठी सँ की हेतै?
स्थिति जहिना तहिना संवत एतै जेतै
मुरदा जगाउ लाउ पैर पकड़ै छी,
आऊ...
काव्य पाठ करू मुदा कान्ह पर लिअ लाठी,
एक हाथ रसक श्रोत दोसर मे खोर नाठी
पुरना किछु त्यागि-त्यागि पकड़ू किछु नऽव ढंग
मोँछो पिजाउ बाउ श्रृंगारक संग-संग
अहाँ गीत गाउ मुदा हऽम हहरै छी,
आऊ...
अहँक चपल चरण ऋतुराजक सूचक अछि,
अपने आत्मस्वरूप आशय तऽ 'बूचक' अछि,
दीन हीन साधन सभ सँ विहीन यद्यपि हम,
उद्वेलित श्रद्धा समुद्र नहि तरंगो कम।
शर्वरीश स्पर्शक लेल हहरै छी।
अभ्यागत आउ सभक स्वागत करै छी।
आऊ...
aauu aauu aauu sabhak svagat karai chhi,
nain mae samau hridyasan dharai chhi.
ullasak geet katऽ sagro karuna krandan,
upati rahal vipati rahal maithilik nandan van,
bhramar jhunD pyasal chhathi vihag vrind baD bhukhal,
murujhal chhathi aam maऽhu raऽsak sarita sukhal,
babure van kavi kokil laje marai chhi.
auu…
vidyapati shiv svarup mrityunjay maऽral chhathi,
hamra sabhak abhag ajro bhaऽ jaऽDal chhathi,
maatr ii samarohi goshthi san ki hetai?
sthiti jahina tahina sanvat etai jetai
murda jagau lau pair pakaDai chhi,
aauu. . .
kavya paath karu muda kaanh par lia lathi,
ek haath rasak shrot dosar mae khor nathi
purna kichhu tyagi tyagi pakDu kichhu naऽva Dhang
monchho pijau bau shrringarak sang sang
ahan geet gau muda haऽma haharai chhi,
aauu. . .
ahank chapal charan riturajak suchak achhi,
apne atmasvarup ashay taऽ buchak achhi,
deen heen sadhan sabh san vihin yadyapi hum,
udvelit shraddha samudr nahi tarango kam.
sharvarish sparshak lel haharai chhi.
abhyagat aau sabhak svagat karai chhi.
aauu. . .
aauu aauu aauu sabhak svagat karai chhi,
nain mae samau hridyasan dharai chhi.
ullasak geet katऽ sagro karuna krandan,
upati rahal vipati rahal maithilik nandan van,
bhramar jhunD pyasal chhathi vihag vrind baD bhukhal,
murujhal chhathi aam maऽhu raऽsak sarita sukhal,
babure van kavi kokil laje marai chhi.
auu…
vidyapati shiv svarup mrityunjay maऽral chhathi,
hamra sabhak abhag ajro bhaऽ jaऽDal chhathi,
maatr ii samarohi goshthi san ki hetai?
sthiti jahina tahina sanvat etai jetai
murda jagau lau pair pakaDai chhi,
aauu. . .
kavya paath karu muda kaanh par lia lathi,
ek haath rasak shrot dosar mae khor nathi
purna kichhu tyagi tyagi pakDu kichhu naऽva Dhang
monchho pijau bau shrringarak sang sang
ahan geet gau muda haऽma haharai chhi,
aauu. . .
ahank chapal charan riturajak suchak achhi,
apne atmasvarup ashay taऽ buchak achhi,
deen heen sadhan sabh san vihin yadyapi hum,
udvelit shraddha samudr nahi tarango kam.
sharvarish sparshak lel haharai chhi.
abhyagat aau sabhak svagat karai chhi.
aauu. . .
स्रोत :
पुस्तक : कलानिधि (पृष्ठ 29)रचनाकार : कालीकान्त झा ‘बूच’
प्रकाशन : श्रुति प्रकाशन, नई दिल्ली
संस्करण : 2010
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
