चैन नाहीं चइत महिनवाँ,
हो रामा, घरवा अगनवाँ। चैन…
बैरन हो गइलें दिन-दुपहरिया,
कसि-कसि मारे बान पछुवा बयरिया,
बेधे मोहें संझिया-बिहनवाँ—
हो रामा, घरवा-अँगनवाँ।
चैन…
बन-बन टेसू अगिनि धधकावे,
लाले-लाले सेमरा जिया के ललचावे,
बइठि अगोरेला सुगनवाँ—
हो रामा, घरवा-अगनवाँ।
चैन…
अमवाँ के बारी कुहुंके कोयल कारी,
बिरहा जगावे बीरहिन के अनारी,
रोजे डहंकावे परनवाँ—
हो रामा, घरवा अगनवाँ।
चैन…
स्रोत :
- पुस्तक : लोक रागिनी (पृष्ठ 156)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
