शरणमे राखि लिअ हे राम।
दैवक मारल, दुखक झमारल, हारल हम संग्राम॥
चसकल मन लसकल भोगहिमे गुनलक नहि परिणाम।
तृष्णा दिन दिन बढ़ले जाइछ दैछ न पूर्णविराम॥
लौकिक सुख साधन संचयमे बिसरल छवि अभिराम।
जानि न कोन असत्कर्मक फल भेला विधाता वाम॥
सबतरि दौड़ि लगबिते रहलहुँ, कयल कहाँ विश्राम।
पाइ पाइ कय जोड़ल, मङनी लेल न एक छदाम॥
उच्छृंखल मन कहल न मानय भेल फिरय उद्दाम।
कतबो चाही लगा न पाबी, मुँहपर एकर लगाम॥
जाहि भूमिमे जन्म देलनि विधि से थिक मिथिला धाम।
महाशक्तिकेँ अंक लगाओल अपनहु एही ठाम॥
पिता वचन नहि टारल वनसँ अनलनि भरत खराम।
जिति लंका, दय राज विभीषणकेँ पूरल मनकाम॥
पिच्छड़ पथ, दुर्बल पद विचलित रहि न सकल निष्काम।
स्वीकारू पापी 'बतहू' केर शत-शत कोटि प्रणाम॥
sharanme rakhi lia he raam.
daivak maral, dukhak jhamaral, haral hum sangram॥
chaskal man laskal bhogahime gunlak nahi parinam.
trishna din din baDhle jaichh daichh na purnaviram॥
laukik sukh sadhan sanchayme bisral chhavi abhiram.
jani na kon asatkarmak phal bhela vidhata vaam॥
sabatari dauDi lagabite rahalahun, kayal kahan vishram.
pai pai kay joDal, mangni lel na ek chhadam॥
uchchhrinkhal man kahl na manay bhel phiray uddaam.
katbo chahi laga na pabi, munhapar ekar lagam॥
jahi bhumime janm delani vidhi se thik mithila dhaam.
mahashaktiken ank lagaol apanahu ehi thaam॥
pita vachan nahi taral vanasan analani bharat kharam.
jiti lanka, day raaj vibhishanken pural mankam॥
pichchhaD path, durbal pad vichlit rahi na sakal nishkam.
svikaru papi bathu ker shat shat koti prnaam॥
sharanme rakhi lia he raam.
daivak maral, dukhak jhamaral, haral hum sangram॥
chaskal man laskal bhogahime gunlak nahi parinam.
trishna din din baDhle jaichh daichh na purnaviram॥
laukik sukh sadhan sanchayme bisral chhavi abhiram.
jani na kon asatkarmak phal bhela vidhata vaam॥
sabatari dauDi lagabite rahalahun, kayal kahan vishram.
pai pai kay joDal, mangni lel na ek chhadam॥
uchchhrinkhal man kahl na manay bhel phiray uddaam.
katbo chahi laga na pabi, munhapar ekar lagam॥
jahi bhumime janm delani vidhi se thik mithila dhaam.
mahashaktiken ank lagaol apanahu ehi thaam॥
pita vachan nahi taral vanasan analani bharat kharam.
jiti lanka, day raaj vibhishanken pural mankam॥
pichchhaD path, durbal pad vichlit rahi na sakal nishkam.
svikaru papi bathu ker shat shat koti prnaam॥
स्रोत :
पुस्तक : चन्द्रनाथमिश्र ‘अमर’ रचना संचयन (पृष्ठ 306)संपादक : योगानन्द झा, शम्भुनाथ झा, विजयदेव झा रचनाकार : चन्द्रनाथ मिश्र ‘अमर’
प्रकाशन : साहित्य अकादेमी, नई दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
