मिठका दुलार दऽ दियऽ
mithka dular daऽ diyऽ
कने मिसरी-सन मिठका दुलार दऽ दिअऽ!
हमर जिनगी उजाड़ अछि,
बहार दऽ दिअऽ!
अहाँक टिकुली बुझाय जेना
सुरुज-लालिमा,
अहाँ हँसि दी तँ उगि जाय
अकास चनरमा,
हमर दगधल हियामे उछाह दऽ दिअऽ!
कने मिसरी-सन मिठका दुलार दऽ दिअऽ!
बाट तकिते पथरा गेल
हमर नयना
दूसय मुँहो सदा ई
हमर अयना
हमर गरदनिमे बाँहिक ग्रिमहार दऽ दिअऽ!
कने मिसरी-सन मिठका दुलार दऽ दिअऽ!!
हमर आशाक टेमी
ममरिया रहल
दिन-दिन बीतल,
हमर नहि आशा पुरल
आसक टेमी बरय, स्नेह धार दऽ दिअऽ!
कने मिसरी-सन मिठका दुलार दऽ दिअऽ!!
स्रोत :
- पुस्तक : एक गुलाबक लेल (पृष्ठ 23)
- रचनाकार : छत्रानन्द सिंह झा
- प्रकाशन : नीलकण्ठ प्रकाशन, पटना
- संस्करण : 1988
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
