ससरि गेल छू कऽ इतिहास बहुत रास
सभ कान्हपर जरैत तरहत्थी भरि
लेभरल अरिपन सन सबहक नजरि
जतेक रंगक बीतल दिन-राति सभ
सुनगि-सुनगि दुखा जाइछ मनक ओ बात
मन अपनहुँ तेँ ई बुझौअलि भरि।
ससरि गेल छू कऽ इतिहास बहुत रास।
छातीमे एक ‘मकबरा’ भरि स्मृति
आँजुरमे एक मरुस्थल भरि बालु
आँखिमे एक आकाश भरि रिक्तता
भरि धरती अंतर हृदयक निसबद्दता
जे अप्पन लोक गेल संबन्धी सभ छोड़ि।
ससरि गेल छू कऽ इतिहास बहुत रास।
घून खायल सभक सभ प्रतीक्षा
ठाम-ठाम ठाढ़ भेल ठुठ्ठ स्नेह
मुँह नुका कऽ भागि रहल लोक सभ
सूखल नदीपर किछु बालुक घर
गेल सोखि समय एकर धार बहुत रास।
ससरि गेल छू कऽ इतिहास बहुत रास।
सतरंगा छपुआ सन मृदु बिहुँसी
झरकि गेल आँचरक किनारी सन
घन अन्हारमे कयल किछु संबोधन
अछि हेरायल टूटि गेल आसरा सन
आगू अछि महल फेर बनयबा लेल
एक संग ठाढ़ अछि ताश बहुत रास।
ससरि गेल छू कऽ इतिहास बहुत रास।
sasari gel chhu kaऽ itihas bahut raas
sabh kanhpar jarait tarhatthi bhari
lebhral aripan san sabhak najri
jatek rangak bital din rati sabh
sunagi sunagi dukha jaichh manak o baat
man apanahun ten ii bujhauali bhari.
sasari gel chhu kaऽ itihas bahut raas.
chhatime ek ‘makabra’ bhari smriti
anjurame ek marusthal bhari balu
ankhime ek akash bhari riktata
bhari dharti antar hridyak nisbaddta
je appan lok gel sambandhi sabh chhoDi.
sasari gel chhu kaऽ itihas bahut raas.
ghoon khayal sabhak sabh prtiksha
thaam thaam thaaDh bhel thuthth sneh
munh nuka kaऽ bhagi rahal lok sabh
sukhal nadipar kichhu baluk ghar
gel sokhi samay ekar dhaar bahut raas.
sasari gel chhu kaऽ itihas bahut raas.
satranga chhapua san mridu bihunsi
jharaki gel ancharak kinari san
ghan anharme kayal kichhu sambodhan
achhi herayal tuti gel aasra san
aagu achhi mahl pher banayba lel
ek sang thaaDh achhi taash bahut raas.
sasari gel chhu kaऽ itihas bahut raas.
sasari gel chhu kaऽ itihas bahut raas
sabh kanhpar jarait tarhatthi bhari
lebhral aripan san sabhak najri
jatek rangak bital din rati sabh
sunagi sunagi dukha jaichh manak o baat
man apanahun ten ii bujhauali bhari.
sasari gel chhu kaऽ itihas bahut raas.
chhatime ek ‘makabra’ bhari smriti
anjurame ek marusthal bhari balu
ankhime ek akash bhari riktata
bhari dharti antar hridyak nisbaddta
je appan lok gel sambandhi sabh chhoDi.
sasari gel chhu kaऽ itihas bahut raas.
ghoon khayal sabhak sabh prtiksha
thaam thaam thaaDh bhel thuthth sneh
munh nuka kaऽ bhagi rahal lok sabh
sukhal nadipar kichhu baluk ghar
gel sokhi samay ekar dhaar bahut raas.
sasari gel chhu kaऽ itihas bahut raas.
satranga chhapua san mridu bihunsi
jharaki gel ancharak kinari san
ghan anharme kayal kichhu sambodhan
achhi herayal tuti gel aasra san
aagu achhi mahl pher banayba lel
ek sang thaaDh achhi taash bahut raas.
sasari gel chhu kaऽ itihas bahut raas.
स्रोत :
पुस्तक : दुःखक दुपहरिया (पृष्ठ 3)रचनाकार : गंगेश गुंजन
प्रकाशन : क्रान्तिपीठ प्रकाशन, पटना
संस्करण : 1999
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
