हम रोपी छप-छप-छप धान
hum ropi chhap chhap chhap dhaan
चन्द्रनाथ मिश्र ‘अमर’
Chandranath Mishra 'Amar'
हम रोपी छप-छप-छप धान
hum ropi chhap chhap chhap dhaan
Chandranath Mishra 'Amar'
चन्द्रनाथ मिश्र ‘अमर’
और अधिकचन्द्रनाथ मिश्र ‘अमर’
झम-झम झमकय ई कारी बदरिया,
हम रोपी छप-छप-छप धान हो बाबा।
चम-चम-चम चमकय सोहागिन बिजुरिया
गम-गम-गम गमकय परान।
हो बाबा! हम रोपी छप-छप-छप धान॥
अदरा बरसि गेल भरि भरि मौनी,
पुरिबा लगौलक फेरो सुखौनी।
उमड़ल सङे-सङ आ सटकल सङे-सङ
कोसी ओ कमला-बलान।
हो बाबा! हम रोपी छप-छप-छप धान॥
तोरो चढ़यबह हम बेलपतिया,
भाङ पिअयबह पिसि भरि पथिया।
हथियामे तोँ बाबा झपसी लगा दैह,
बरखा हो अरिया नँघान।
हो बाबा! हम रोपी छप-छप-छप धान॥
बम-बम-बम कहि गालो बजबयह,
अपनो नाचब, सङमे तोरो नचयबह।
तोहेँ पशुपति छह पशु केर मालिक,
हमहूँ छी छेहा किसान।
हो बाबा! हम रोपी छप-छप-छप धान।
स्रोत :
- पुस्तक : चन्द्रनाथमिश्र ‘अमर’ रचना संचयन (पृष्ठ 304)
- संपादक : योगानन्द झा, शम्भुनाथ झा, विजयदेव झा
- रचनाकार : चन्द्रनाथ मिश्र ‘अमर’
- प्रकाशन : साहित्य अकादेमी, नई दिल्ली
- संस्करण : 2025
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
