देहरिकेर पारसँ एक किरिन आयल
गीत-गीत भेल हमर सगरे घर-आंगन
सोनजूही रोपब एहिठाम उगत अमलतास
गुलमोहर-रंगमे नहायत सबतर बसात
तुलसी-चौरा पर ई दीप झिलमिलायत
मीठ-मीठ भेल पोर-पोर देह आ मन
नील रंग अंगा सूखल कात एहि दलान
बेटीक हँसी जेना फूलपात ओ मखान
पछिला ओ यादि जुहिक डारिसँ फुलायल
नीक-नीक लगल हिलब हाथक ई कंगन
बाबूजी पढ़ता एहिठाम कबीर-रैदास
दफतर के कागज-पत्तरमे नहि ई उजास
अगिला वसन्त तरहथपर सुगबुगायल
आँचरमे अतरक दाग करय सुन-गुन
भोरक ई नरमी रातिभरिक उमस-बाद
बेटाक पहिल-पहिल दरमाहा केर प्रसाद
हमर नीन आ हुनकर सपना सगुनायल
भने-भने भेल हमर छन्द रचल-बसल दिन
स्रोत :
- पुस्तक : मेघ इन्द्रनील (पृष्ठ 36)
- रचनाकार : शान्ति सुमन
- प्रकाशन : अभिधा प्रकाशन
- संस्करण : 2005
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
