दूर देस बसे मोर सजनवां
door des base mor sajanvan
रामबहादुर ‘अधीर पिण्डवी’
Rambahadur ‘Adhir Pindvi’
दूर देस बसे मोर सजनवां
door des base mor sajanvan
Rambahadur ‘Adhir Pindvi’
रामबहादुर ‘अधीर पिण्डवी’
और अधिकरामबहादुर ‘अधीर पिण्डवी’
दूर देस बसे मोर सजनवां हो,
भेजे चिठियो ना तार।
कतहू ना लागे मोर मनवां हो,
तड़पे जियरा हमार॥...
जबसे सजन गइने मोर परदेसवा।
लिहले खबरिया ना भेजे सनदेसवा॥
भेजे नाहीं पतया ठिकनवां हो,
तड़पे जियरा हमार॥ दूर...
केतना करार करि हमरा से गइने।
सावन महिनवां में पिया नाहीं अइने॥
आ गइल मास अब फगुनवा हो,
तड़पे जियरा हमार॥ दूर...
रहि-रहि हिचकी आवेला आँखि फड़के।
नइखे बुझात कि करेजा काहे धड़के॥
खनकेला राति के कंगनवां हो,
तड़पे जियरा हमार॥ दूर...
मनवा अधीर पिया कतहूं ना लागे।
फगुनी बेयरिया बदन मोर दागे॥
देईं हम केसे ओरहनवां हो,
तड़पे जियरा हमार॥ दूर...
स्रोत :
- पुस्तक : गँउवा के माटी अनमोल (पृष्ठ 64)
- रचनाकार : रामबहादुर ‘अधीर पिण्डवी’
- प्रकाशन : अखिल भारतीय भोजपुरी समाज, गोमतीनगर, लखनऊ
- संस्करण : 2010
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
