बिसरे ना पीया तोरी हीया से सुरतिया
पिरितिया भइली जोगिनी हमार।
पिरितिया भइली…
सुधिया के दियना जरेला सारी राती,
बाँचि गइली तनकी एकन जोतिया क थाती,
जिनिगिया दिन-दिन लागे अन्हियार।
पिरितिया भइली…
धरती-अकासे जइसे बिहरे पवनवाँ
बीहरेला विरहा मोरा दूनहुँ नयनवाँ,
सपनवाँ रहि-रहि डूबे मजधार।
पिरितिया भइली…
मन के गगरिया लागलि असरा क डोरी,
मोहिया भईलि पनिहारिन गोरी,
पियासन काहें छछने पियार।
पिरितिया भइली…
स्रोत :
- पुस्तक : लोक रागिनी (पृष्ठ 42)
- रचनाकार : भोलानाथ गहमरी
- प्रकाशन : रागिनी प्रकाशन, गाजीपुर
- संस्करण : 1995
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
