बिन बियहल रह गइल ई सपना
दुअरे बारात नाहीं आइल,
घाव भले लउके, ना लउके;
आदमी बा बहुते घवाइल।
केकई के मन भरमावे,
मंथरा के चल गइल बा मंतर,
पटकाइल दाव में बा दशरथ,
राम आ भरत में बा अंतर।
सभे केहू बाटे सँकाइल,
सभे केहू बाटे चिहाइल।
बान्ह त बन्हा गइल बा ओनहीं
इहाँ तक आ नदी बा सुखाइल,
धूप में त जेठ के जलन बा
छाँह बाटे कतहीं घेराइल;
गायब बा भीतर के कागद,
खाली लिफाफा बा आइल।
जहाँ-तहाँ टूटल सड़क बा,
नदी पर न पुल बन सकल,
कहाँ मिट सकल बाटे दूरी
मन से ना मन मिल सकल;
इहाँ-उहाँ ठोकर पर ठोकर,
मुँहकुरिये सभे भहराइल।
अंतरा के ओटे में सुबके,
बहरा हँसे के जतन,
अँगना लगल गम के मेला,
दुअरा मनेला जसन;
एतना ना चेहरा ई बदलल,
दरपन में मुँह ना चिन्हाइल।
bin biyhal rah gail ii sapna
duare barat nahin aail,
ghaav bhale lauke, na lauke;
adami ba bahute ghavail.
kekii ke man bharmave,
manthra ke chal gail ba mantar,
patkail daav mein ba dashrath,
raam aa bharat mein ba antar.
sabhe kehu bate sankail,
sabhe kehu bate chihail.
baanh ta banha gail ba onhin
ihaan tak aa nadi ba sukhail,
dhoop mein ta jeth ke jalan ba
chhaanh bate kathin gherail;
gayab ba bhitar ke kagad,
khali liphapha ba aail.
jahan tahan tutal saDak ba,
nadi par na pul ban sakal,
kahan mit sakal bate duri
man se na man mil sakal;
ihaan uhaan thokar par thokar,
munhakuriye sabhe bhahrail.
antra ke ote mein subke,
bahra hanse ke jatan,
angana lagal gam ke mela,
duara manela jasan;
etna na chehra ii badlal,
darpan mein munh na chinhail.
bin biyhal rah gail ii sapna
duare barat nahin aail,
ghaav bhale lauke, na lauke;
adami ba bahute ghavail.
kekii ke man bharmave,
manthra ke chal gail ba mantar,
patkail daav mein ba dashrath,
raam aa bharat mein ba antar.
sabhe kehu bate sankail,
sabhe kehu bate chihail.
baanh ta banha gail ba onhin
ihaan tak aa nadi ba sukhail,
dhoop mein ta jeth ke jalan ba
chhaanh bate kathin gherail;
gayab ba bhitar ke kagad,
khali liphapha ba aail.
jahan tahan tutal saDak ba,
nadi par na pul ban sakal,
kahan mit sakal bate duri
man se na man mil sakal;
ihaan uhaan thokar par thokar,
munhakuriye sabhe bhahrail.
antra ke ote mein subke,
bahra hanse ke jatan,
angana lagal gam ke mela,
duara manela jasan;
etna na chehra ii badlal,
darpan mein munh na chinhail.
स्रोत :
पुस्तक : खरकत जमीन बजरत आसमान (पृष्ठ 92)रचनाकार : ब्रजभूषण मिश्र
प्रकाशन : वनांचल प्रकाशन, तेनुघाट (बोकारो)
संस्करण : 2015
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
