आइल बा वोट के जबाना हो, पिया मुखिया बनि जा
aail ba vot ke jabana ho, piya mukhiya bani ja
विजेन्द्र अनिल
Vijendra Anil
आइल बा वोट के जबाना हो, पिया मुखिया बनि जा
aail ba vot ke jabana ho, piya mukhiya bani ja
Vijendra Anil
विजेन्द्र अनिल
और अधिकविजेन्द्र अनिल
आइल बा वोट के जबाना हो, पिया मुखिया बनि जा।
दाल-चाउर खूब मिली, खूब मिली चीनी
फेल होई झरिया-धनबाद के कमीनी
पाकिट में रही खजाना हो, पिया मुखिया बनि जा।
जेकरा के मन करी, रासन तू दीह
जेकरा से मन करी, घूस लेइ लीह
हाथ में कचहरी आ थाना हो, पिया मुखिया बनि जा।
तोहरा से बेसी के करेला सेवा
जिनिगीन ओढ़त रहल टाट आउर लेवा
कबो ना मिलल नीमन खाना हो, पिया मुखिया बनि जा।
अहरा आ पोखरा के लीह तू ठीका
कीनि दीह हमरा के झुमका आ टीका
गावे के फिलिमी तराना हो, पिया मुखिया बनि जा।
आइल बा वोट के जबाना हो, पिया मुखिया बनि जा।
स्रोत :
- पुस्तक : विजेन्द्र अनिल के गीत (पृष्ठ 25)
- रचनाकार : विजेन्द्र अनिल
- प्रकाशन : संरचना प्रकाशन, आरा
- संस्करण : 1993
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
