रक्खइ सा विस-हारिणी बे

रक्खइ सा विस-हारिणी बे कर चुम्बिवि जीउ।
पडिबिम्बिउ-मुंजालु जलु जेहिं अडोहिउ पीउ॥

हेमचंद्र

कानों से सुनता नहीं

मनुज जाति में दैत्य-सा,
होता तानाशाह॥

जीवन सिंह

झूठी मीठी तनक सी

झूठी मीठी तनक सी, अधिकी मानैं कौन।
अनसरतै बोलौ इसी, ज्यौं आटै मैं नौन॥

बुधजन

सोनजुही सी जगमगति

सोनजुही सी जगमगति, अँग-अँग जोबन-जोति।
सु-रंग, कसूँभी कंचुकी, दुरँग देह-दुति होति॥

बिहारी

जाहि पराक्रम से बड़ो

जाहि पराक्रम से बड़ो, लघु दीरघ न निहार।
अंकुस दीपक कुलिस कित, कित गज तिमिर पहार॥

दीनदयाल गिरि

भले बुरे जहँ एक से

भले बुरे जहँ एक से तहाँ न बसिए जाय।
ज्यौं अन्यायीपुर बिकै खर गुर एकै भाय॥

वृंद

1

सालति है नटसाल सी

सालति है नटसाल सी, क्यौं हूँ निकसित नाँहि।
मनमथ-नेजा-नोक सी खुभी खुभी जिय माँहि॥

बिहारी

कहा काम रितुराज से

कहा काम रितुराज से, पियहिं बन्यो रितुराज।
सोचब समझब सब सही, कह जमाल बिनु काज॥

जमाल

बेदाना सै होत है

बेदाना सै होत है, दाना एक किनारा।
बेदाना नहिं आदरैं, दाना एक अनार॥

रसनिधि

सालति है नटसाल सी

सालति है नटसाल सी, क्यौं हूँ निकसित नाँहि।
मनमथ-नेजा-नोक सी, खुभी-खुभी जिय माँहि॥

बिहारी

डगकु डगति सी चलि

डगकु डगति सी चलि, ठठुकि चितई, चली निहारि।
लिए जाति चितु चोरटी वहै गोरटी नारि॥

बिहारी

कौंहर सी एडिनु की

कौंहर सी एडिनु की, लाली देखि सुभाइ।
पाइ महावरु देइ को, आपु भई बे-पाइ॥

बिहारी

खंजन सफरी से चपल

संजन सफरी से चपल, अनियारे युग बान।
जनु युवती एती हतन, भौंह चाप संधान॥

रसिक अली

पाथर से भारी भई

पाथर से भारी भई, कौन चलावै जाहि।
सुंदर सो कतहुं गयौ, लीयें फिरतौ ताहि॥

सुंदरदास

लपटि बेलि सी जाति अँग

लपटि बेलि सी जाति अँग, निघुटि नटी लौ जाइ।
कोटि नवोढ़ा बारिये, वाकी बोलनि पाइ॥

भूपति

साँची सी यह बात है

साँची सी यह बात है, सुनियौ सज्जन संत।
स्वाँगी तौ वह एक है, वाहि के स्वाँग अनंत॥

रसनिधि

भीतर बाहर एक से

भीतर बाहर एक से, हितकर मधुर सुहाय।
रत्नावलि फल दाख से, जन कहूँ कोउ लखाय॥

रत्नावली

गुनी रसाल रसाल से

गुनी रसाल रसाल से, नमै सुमन फल पाय।
नीरस तरु से नीच नर, नवैं न कोटि उपाय॥

दीनदयाल गिरि

कहत सबै कवि कमल से

कहत सबै कवि कमल से, मो मत नैन पखानु।
नतरुक कन इन बिय लगत, उपजतु बिरह-कृसानु॥

बिहारी