ओ मोहन म्हारे घर आयो
o mohan mhare ghar aayo
ओ मोहन म्हारे घर आयो।
बिरख भाण री घणी लाडली, जिणने भी संग लायो।
मोर नाचर्यो देख घटा ज्यूं, म्हारो मन हरसायो।
गौर स्याम नैणां रा हीरा, हर हरनांवा भायो॥
माखन मिसरी री ओरसियो, खीच बाजरी पायो।
बिरज मंडल री जुगल जोड़नू, मुरधर लाड लडायो॥
नंद जसोदा धन-धन ज्यांने, ब्रह्म गोद हुलरायो।
गोपी गोप बिंदराबन जमना, कीरत को जस गायो॥
मैं निरगुण गुण हीन बावली, पकड़ लियो ओ पायो।
'राना' खोजी महर करी जद, खोज लियो चित चायो॥
स्रोत :
- पुस्तक : जाटों की गौरव गाथा (पृष्ठ 51)
- संपादक : पेमाराम , विक्रमादित्य
- रचनाकार : रानाबाई
- प्रकाशन : राजस्थानी ग्रंथागार
- संस्करण : 2016
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
