लोकक तीव्र विरोध आ प्रतिरोधक बावजूदो
हम रोपि रहल छी क्रांतिक गाछ
एहि गाछकेँ सींचि रहल छी
अपना शोणित-पसेनासँ
द' रहल छी एहिमे
नित नव विचारक खाद
एहि उम्मेदक संग
जे ई गाछ हमर आबयबला पीढ़ीकेँ
कहतैक हमर संघर्षक इतिहास
जाहिसँ ओकरा सभकेँ बढ़तैक हिम्मति आर सहास
अन्याय-अत्याचारसँ लड़बाक लेल
ओ सभ बुलंद करैत रहतैक अपन अवाज
इंकिलाब-जिंदाबाद
ई गाछ एक ने एक दिन बनतैक
सामाजिक न्यायक प्रतीक
समाजमे नहि रहतैक कियो उच्च आ नीच
दलित-शोषित-वंचित वर्गमे जगेतैक
आत्म-स्वाभिमान
ओ सभ नहि सहतैक अपमान
ई गाछ फुलेतैक आन्दोलन
आ फड़तैक इंकिलाब
एकर छत्र-छायामे आबि मुर्दो चिकरतैक जोरसँ
इंकिलाब-जिंदाबाद
ई गाछ रोपैत काल
हम जे-जे देखि रहल छी सपना
जे-जे क' रहल छी कल्पना
ओ सभ हैत साकार
ई अछि हमरा विश्वास
एहि गाछसँ बहतैक विद्रोही बसात
जकर प्रभावसँ लोक षड़यंत्रकारी व्यवस्था
आ निठल्ला सत्ताक खिलाफ
बुलंद करैत रहतैक अपन आवाज
इंकिलाब-जिंदाबाद।
lokak teevr virodh aa pratirodhak bavjudo
hum ropi rahal chhi krantik gaachh
ehi gachhken sinchi rahal chhi
apna shonit pasenasan
da rahal chhi ehime
nit nav vicharak khaad
ehi ummedak sang
je ii gaachh hamar abayabla piDhiken
kahtaik hamar sangharshak itihas
jahisan okra sabhken baDhtaik himmati aar sahas
anyay atyacharasan laDbak lel
o sabh buland karait rahtaik apan avaj
inkilab jindabad
ii gaachh ek ne ek din bantaik
samajik nyayak pratik
samajme nahi rahtaik kiyo uchch aa neech
dalit shoshit vanchit vargme jagetaik
aatm svabhiman
o sabh nahi sahtaik apman
ii gaachh phuletaik andolan
aa phaDtaik inkilab
ekar chhatr chhayame aabi murdo chikartaik jorasan
inkilab jindabad
ii gaachh ropait kaal
hum je je dekhi rahal chhi sapna
je je ka rahal chhi kalpana
o sabh hait sakar
ii achhi hamra vishvas
ehi gachhasan bahtaik vidrohi basat
jakar prabhavasan lok shaDyantrkari vyavastha
aa nithalla sattak khilaph
buland karait rahtaik apan avaj
inkilab jindabad.
lokak teevr virodh aa pratirodhak bavjudo
hum ropi rahal chhi krantik gaachh
ehi gachhken sinchi rahal chhi
apna shonit pasenasan
da rahal chhi ehime
nit nav vicharak khaad
ehi ummedak sang
je ii gaachh hamar abayabla piDhiken
kahtaik hamar sangharshak itihas
jahisan okra sabhken baDhtaik himmati aar sahas
anyay atyacharasan laDbak lel
o sabh buland karait rahtaik apan avaj
inkilab jindabad
ii gaachh ek ne ek din bantaik
samajik nyayak pratik
samajme nahi rahtaik kiyo uchch aa neech
dalit shoshit vanchit vargme jagetaik
aatm svabhiman
o sabh nahi sahtaik apman
ii gaachh phuletaik andolan
aa phaDtaik inkilab
ekar chhatr chhayame aabi murdo chikartaik jorasan
inkilab jindabad
ii gaachh ropait kaal
hum je je dekhi rahal chhi sapna
je je ka rahal chhi kalpana
o sabh hait sakar
ii achhi hamra vishvas
ehi gachhasan bahtaik vidrohi basat
jakar prabhavasan lok shaDyantrkari vyavastha
aa nithalla sattak khilaph
buland karait rahtaik apan avaj
inkilab jindabad.
स्रोत :
पुस्तक : विद्रोही बसात (मैथिली कविता-संग्रह) (पृष्ठ 39)रचनाकार : रामकृष्ण परार्थी
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
