ई महँगाई ई बेकारी
नफरत कय फइली बीमारी
दुखी अहय जनता बेचारी
बिकी जात बा लोटा थारी!
जियौ बहादुर खद्दरधारी!
सूखा या सैलाब जो आवय
तोहरा बेटवा खुसी मनावय
घरवाली आँगन मा गावय
मंगल भवन अमंगलहारी!
जियौ बहादुर खद्दरधारी!
धूमिल भय गाँधी कय खादी
पहिरय लागे अवसरवादी
या तौ पहिरयँ बड़े फसादी
देस का लूटौ बारी-बारी!
जियौ बहादुर खद्दरधारी!
मनमानी हरहाल करत हौ
देसवा का कंगाल करत हौ
खुद का मालामाल करत हौ
तोहरेन दम से चोर बजारी!
जियौ बहादुर खद्दरधारी!
झंडय –झंडा रंग-बिरंगा
नगर-नगर मा कर्फ्यू दंगा
खुसहाली मा पड़ा अडंगा
हम भूखा तुम खाव सोहारी!
जियौ बहादुर खद्दरधारी!
तन कय गोरा मन कय गन्दा
मस्जिद-मन्दिर नाम पै चन्दा
सबसे बढ़िया तोहरा धंधा
न तौ नमाजी न तौ पुजारी!
जियौ बहादुर खद्दरधारी!
बरखा मा विद्यालय ढहिगा
वही के नीचे टीचर रहिगा
नहर के खुलतय दुइ पुल बहिगा
तोहरेन पूत कय ठेकेदारी!
जियौ बहादुर खद्दरधारी!
ii mahngai ii bekari
naphrat kay phaili bimari
dukhi ahay janta bechari
biki jaat ba lota thari!
jiyau bahadur khaddardhari!
sukha ya sailab jo aavay
tohra betva khusi manavay
gharvali angan ma gavay
mangal bhavan amangalhari!
jiyau bahadur khaddardhari!
dhumil bhay gandhi kay khadi
pahiray lage avsarvadi
ya tau pahirayan baDe phasadi
des ka lutau bari bari!
jiyau bahadur khaddardhari!
manmani harhal karat hau
desva ka kangal karat hau
khud ka malamal karat hau
tohren dam se chor bajari!
jiyau bahadur khaddardhari!
jhanDay jhanDa rang biranga
nagar nagar ma karphyu danga
khushali ma paDa aDanga
hum bhukha tum khaav sohari!
jiyau bahadur khaddardhari!
tan kay gora man kay ganda
masjid mandir naam pai chanda
sabse baDhiya tohra dhandha
na tau namaji na tau pujari!
jiyau bahadur khaddardhari!
barkha ma vidyalay Dhahiga
vahi ke niche tichar rahiga
nahr ke khultay dui pul bahiga
tohren poot kay thekedari!
jiyau bahadur khaddardhari!
ii mahngai ii bekari
naphrat kay phaili bimari
dukhi ahay janta bechari
biki jaat ba lota thari!
jiyau bahadur khaddardhari!
sukha ya sailab jo aavay
tohra betva khusi manavay
gharvali angan ma gavay
mangal bhavan amangalhari!
jiyau bahadur khaddardhari!
dhumil bhay gandhi kay khadi
pahiray lage avsarvadi
ya tau pahirayan baDe phasadi
des ka lutau bari bari!
jiyau bahadur khaddardhari!
manmani harhal karat hau
desva ka kangal karat hau
khud ka malamal karat hau
tohren dam se chor bajari!
jiyau bahadur khaddardhari!
jhanDay jhanDa rang biranga
nagar nagar ma karphyu danga
khushali ma paDa aDanga
hum bhukha tum khaav sohari!
jiyau bahadur khaddardhari!
tan kay gora man kay ganda
masjid mandir naam pai chanda
sabse baDhiya tohra dhandha
na tau namaji na tau pujari!
jiyau bahadur khaddardhari!
barkha ma vidyalay Dhahiga
vahi ke niche tichar rahiga
nahr ke khultay dui pul bahiga
tohren poot kay thekedari!
jiyau bahadur khaddardhari!
स्रोत :
पुस्तक : जियौ बहादुर खद्दरधारी (पृष्ठ 109)संपादक : अटल तिवारी, अमरेन्द्र नाथ त्रिपाठी रचनाकार : रफ़ीक़ शादानी
प्रकाशन : परिकल्पना, दिल्ली
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
