तुलसी हमार, हमका पियार,
हमका पियार, तुलसी हमार।
जो हमका राह बताइ गवा;
जो भगती-ग्यानु सिखाइ गवा;
जो सीधी सादी भाषा मा
सब बेद मंत्र द्वहराइ गवा;
हरि गवा हिये का अंधकार।
हमका पियार, तुलसी हमार।
जब संस्कृति बूड़ी जाति रहइ;
भारत-माता बिलखाति रहइ;
जब भेद-भाव की खिरिकिन ते
कहुँ धरमु बिबस मुलुकाति रहइ;
तब द्यखराइसि रामावतार।
हमका पियार, तुलसी हमार।
विद्वान जहाँ पर अटकि जाइ;
अनपढ़उ जाइ आनंदु पाइ;
ज्यहिकी कबिता पढ़ि भुँइवासी
द्यौतन की पदवी पाइ जाइ;
ज्यहिका सबकी बदि खुला द्वार।
हमका पियार, तुलसी हमार।
जो सोहर-मंगल-पद गाइसि;
रचि कबित-सवैया सुखु पाइसि;
जो दोहा औ चौपाइन के
कमलन ते मानस महकाइसि;
सब तारन मा यक्कै पुकार।
हमका पियार, तुलसी हमार।
tulsi hamar, hamka piyar,
hamka piyar, tulsi hamar.
jo hamka raah batai gava;
jo bhagti gyanu sikhai gava;
jo sidhi sadi bhasha ma
sab bed mantr dvhrai gava;
hari gava hiye ka andhkar.
hamka piyar, tulsi hamar.
jab sanskriti buDi jati rahai;
bharat mata bilkhati rahai;
jab bhed bhaav ki khirikin te
kahun dharamu bibas mulukati rahai;
tab dykharaisi ramavtar.
hamka piyar, tulsi hamar.
vidvan jahan par ataki jai;
anapaDhau jai anandu pai;
jyahiki kabita paDhi bhunivasi
dyautan ki padvi pai jai;
jyahika sabki badi khula dvaar.
hamka piyar, tulsi hamar.
jo sohar mangal pad gaisi;
rachi kabit savaiya sukhu paisi;
jo doha au chaupain ke
kamlan te manas mahkaisi;
sab taran ma yakkai pukar.
hamka piyar, tulsi hamar.
tulsi hamar, hamka piyar,
hamka piyar, tulsi hamar.
jo hamka raah batai gava;
jo bhagti gyanu sikhai gava;
jo sidhi sadi bhasha ma
sab bed mantr dvhrai gava;
hari gava hiye ka andhkar.
hamka piyar, tulsi hamar.
jab sanskriti buDi jati rahai;
bharat mata bilkhati rahai;
jab bhed bhaav ki khirikin te
kahun dharamu bibas mulukati rahai;
tab dykharaisi ramavtar.
hamka piyar, tulsi hamar.
vidvan jahan par ataki jai;
anapaDhau jai anandu pai;
jyahiki kabita paDhi bhunivasi
dyautan ki padvi pai jai;
jyahika sabki badi khula dvaar.
hamka piyar, tulsi hamar.
jo sohar mangal pad gaisi;
rachi kabit savaiya sukhu paisi;
jo doha au chaupain ke
kamlan te manas mahkaisi;
sab taran ma yakkai pukar.
hamka piyar, tulsi hamar.
स्रोत :
पुस्तक : अरघान (पृष्ठ 36)रचनाकार : सत्यधर शुक्ल
प्रकाशन : पं. वंशीधर शुक्ल स्मारक एवं साहित्य प्रकाशन समिति, मन्यौरा, लखीमपुर खीरी
संस्करण : 2021
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
