आखर आखर जोड़ि
बनाकय किछु शब्द
आ शब्द सभकेँ सहेजैत
गढ़बाक प्रयास करैत
छी किछु एहेन वाक्यांश
जाहिमे भेटि सकय हमरा
हमर अपन परिचय
भौतिकवाद आ भूमण्डलीकरणक
पसरैत जा रहल अन्हारमे
बिना पाछाँ तकने
दौगल-भागल जा रहल
मनुक्खक एहि महासागरमे
कठिन भऽ गेल अछि
बचायब अपन अस्तित्व आ परिचिति
तेँ लिखैत रहैत छी कविता
आ अपनहि कविताक आखरमे
शब्दमे, वाक्यमे
ताकि रहल छी अपन परिचिति
स्रोत :
- पुस्तक : चौकठिसँ चान दिस (पृष्ठ 24)
- रचनाकार : दीपिका चन्द्रा
- प्रकाशन : किसुन संकल्प लोक, सुपौल
- संस्करण : 2024
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
