आइ जखन
वैश्वीकरणक बिहाड़िमे
लोप भऽ रहल अछि
हमर सभ्यता आ संस्कृति
हमर गाम समाजक लोक
सभ किछु बिसरने
बढ़ल जा रहल अछि
एकटा एहेन सन
अनिश्चितता दिस
जतय शेष नहि रहत
कोनो मानवीय संवेदना
बजारक मकड़जालमे
आँखिपर तथाकथित विकासक
रंगबिरही चश्मा पहिरने
दौगल जा रहल अछि मनुक्ख
घुप्प अन्हार दिस
तखन हम कोना रही चुप्प
अपन माटि-पानि पर
पसरैत एहि अन्हरियाक विरुद्ध
रोशनाइ रूपी तेल
आखर रूपी टेमी लेने
सृजनक दीप जरबैत छी
स्रोत :
- पुस्तक : चौकठिसँ चान दिस (पृष्ठ 13)
- रचनाकार : दीपिका चन्द्रा
- प्रकाशन : किसुन संकल्प लोक, सुपौल
- संस्करण : 2024
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
