ऋतु सभक संहतिमे
बिहाड़ि, पानि, पाथर सहैत
अम्मत टिकुला बनैत अछि मधुरफल
धैरजसँ सींचल संघर्ष फलीभूत त' होइते छैक
पड़िबाक सियाह रातिसँ
चान घीचि अनैत अछि दप-दप इजोरिया
पक्ष बीतय धरि अन्हार काटय त' पड़िते छैक
गंतव्यक हेतु अपसियाँत भगैत लोकक
पाथेय होइत अछि संयमित प्रतीक्षा
गुंजित दीपक राग सजयबामे रेयाज त' लगिते छैक
जिनगीक बाटमे ओहिना अबैत अछि भदबा
जेना फूलक दोगमे अबैत अछि काँट
फूलक छाहक अछैत काँटक धाह त' रहिते छैक
पीपरक पातपर पसरल निमुन्न अन्हारसँ
सुरुजक असोरा धरि लीख बनबैत
सगर राति मेहिआयल बरैत अछि भगजोगनी
भोरक उजास लेल राति काटय त' पड़िते छैक
ओसक बुन्नसँ नहायल सिंगरहार
जखन गमैत अछि किरिनक आगम
पिरथीक आँचरमे झहरि
अँगेजि लैत अछि माटिक सुगंधि
माटिक सुगंधि हेतु जड़ि धरय त' पड़िते छैक
एखन जे लहालोट करैत अछि तीसीक फूल
मेहाँ-ननकारक बाधमे
अगबे कुसे जनमैत रहैक एहि पाँतरमे
परतीकें खेत बनबयमे घाम त' लगिते छैक
समय त' लगिते छैक सृजन-संधानमे
समस्या अछि जे समय छैक कहाँ किनको लग
ritu sabhak sanhatime
bihaDi, pani, pathar sahait
ammat tikula banait achhi madhurphal
dhairajasan sinchal sangharsh phalibhut ta hoite chhaik
paDibak siyah ratisan
chaan ghichi anait achhi dap dap ijoriya
paksh bitay dhari anhar katay ta paDite chhaik
gantavyak hetu apasiyant bhagait lokak
pathey hoit achhi sanymit prtiksha
gunjit dipak raag sajaybame reyaj ta lagite chhaik
jingik batme ohina abait achhi bhadba
jena phulak dogme abait achhi kaant
phulak chhahak achhait kantak dhaah ta rahite chhaik
piprak patpar pasral nimunn anharasan
surujak asora dhari leekh banbait
sagar rati mehiayal barait achhi bhagjogni
bhorak ujaas lel rati katay ta paDite chhaik
osak bunnasan nahayal singarhar
jakhan gamait achhi kirinak aagam
pirthik ancharame jhahari
angeji lait achhi matik sugandhi
matik sugandhi hetu jaDi dharay ta paDite chhaik
ekhan je lahalot karait achhi tisik phool
mehan nankarak badhme
agbe kuse janmait rahaik ehi pantarame
partiken khet banabayme ghaam ta lagite chhaik
samay ta lagite chhaik srijan sandhanme
samasya achhi je samay chhaik kahan kinko lag
ritu sabhak sanhatime
bihaDi, pani, pathar sahait
ammat tikula banait achhi madhurphal
dhairajasan sinchal sangharsh phalibhut ta hoite chhaik
paDibak siyah ratisan
chaan ghichi anait achhi dap dap ijoriya
paksh bitay dhari anhar katay ta paDite chhaik
gantavyak hetu apasiyant bhagait lokak
pathey hoit achhi sanymit prtiksha
gunjit dipak raag sajaybame reyaj ta lagite chhaik
jingik batme ohina abait achhi bhadba
jena phulak dogme abait achhi kaant
phulak chhahak achhait kantak dhaah ta rahite chhaik
piprak patpar pasral nimunn anharasan
surujak asora dhari leekh banbait
sagar rati mehiayal barait achhi bhagjogni
bhorak ujaas lel rati katay ta paDite chhaik
osak bunnasan nahayal singarhar
jakhan gamait achhi kirinak aagam
pirthik ancharame jhahari
angeji lait achhi matik sugandhi
matik sugandhi hetu jaDi dharay ta paDite chhaik
ekhan je lahalot karait achhi tisik phool
mehan nankarak badhme
agbe kuse janmait rahaik ehi pantarame
partiken khet banabayme ghaam ta lagite chhaik
samay ta lagite chhaik srijan sandhanme
samasya achhi je samay chhaik kahan kinko lag
स्रोत :
पुस्तक : नेपथ्यसँ अबैत हाक (पृष्ठ 23)रचनाकार : विकास वत्सनाभ
प्रकाशन : किसुन संकल्प लोक, सुपौल
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
