कहियो बाट तकैत
फुलाइत छल अहाँक आँगनक गुलाब
गुलाबे सन फुलाइत छल अहाँक ठोर
बन्न आँखियोमे कतेक इजोत रहय तहिया
आब ने बाट अछि ने बकियौता
तगियबैत छी एसगर अतीतक ताग
फुजल आँखियोमे कतेक अन्हार अछि आब
ओना हमर आँगनक चम्पा
तकैत अछि एखनहुँ अहाँक जुट्टीक बाट
गुलाब की ओहिना फुलाइत अछि अहाँक आँगनमे?
चम्पा-गुलाबक हमर-अहाँक आँगनमे
लिखल जाइत अछि प्रेम
सिद्धान्तक मानक भाषामे सिन्दूरक लिपिसँ
ई भाषा कियैक नहि पढ़ि सकलहुँ हम-अहाँ?
अहुना अभागल सबदिना रामे रहलाह
सीता होइत छथि नियति
जिनका नामक पूजती गौर सैह भ' जयताह राम
मोन होयत 'सुदर्शन'क कथा
कहियोकाल हारियो क' जीतैत अछि लोक
अहाँक कोहबर हमर जीतक तगमा अछि
अहाँक सोहर लेल भरि हाक समदाउन गौने छी
kahiyo baat takait
phulait chhal ahank anganak gulab
gulabe san phulait chhal ahank thor
bann ankhiyome katek ijot rahay tahiya
aab ne baat achhi ne bakiyauta
tagiybait chhi esgar atitak taag
phujal ankhiyome katek anhar achhi aab
ona hamar anganak champa
takait achhi ekhanahun ahank juttik baat
gulab ki ohina phulait achhi ahank anganame?
champa gulabak hamar ahank anganame
likhal jait achhi prem
siddhantak manak bhashame sindurak lipisan
ii bhasha kiyaik nahi paDhi sakalahun hum ahan?
ahuna abhagal sabadina rame rahlah
sita hoit chhathi niyti
jinka namak pujti gaur saih bha jaytah raam
mon hoyat sudarshanka katha
kahiyokal hariyo ka jitait achhi lok
ahank kohabar hamar jitak tagma achhi
ahank sohar lel bhari haak samdaun gaune chhi
kahiyo baat takait
phulait chhal ahank anganak gulab
gulabe san phulait chhal ahank thor
bann ankhiyome katek ijot rahay tahiya
aab ne baat achhi ne bakiyauta
tagiybait chhi esgar atitak taag
phujal ankhiyome katek anhar achhi aab
ona hamar anganak champa
takait achhi ekhanahun ahank juttik baat
gulab ki ohina phulait achhi ahank anganame?
champa gulabak hamar ahank anganame
likhal jait achhi prem
siddhantak manak bhashame sindurak lipisan
ii bhasha kiyaik nahi paDhi sakalahun hum ahan?
ahuna abhagal sabadina rame rahlah
sita hoit chhathi niyti
jinka namak pujti gaur saih bha jaytah raam
mon hoyat sudarshanka katha
kahiyokal hariyo ka jitait achhi lok
ahank kohabar hamar jitak tagma achhi
ahank sohar lel bhari haak samdaun gaune chhi
स्रोत :
पुस्तक : नेपथ्यसँ अबैत हाक (पृष्ठ 35)रचनाकार : विकास वत्सनाभ
प्रकाशन : किसुन संकल्प लोक, सुपौल
संस्करण : 2025
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
