लरिकउनू आए दफदर ते,
दुलहिनी अँगरेजी बूँकि चलीं।
घर-बारु गिरिहती चउपट कयि
दुलहिनि अँगरेजी बूँकि चलीं।
पीठी पर गठरी पोथिन की
दुयि-चारि रजहटर काँधे पर
कढ़िलति,कचरति घर का पहुँचे।
दुलहिनि अँगरेजी बूँकि चली।
वाँठन मा लाली, मुँहिं मा पौडर
मलु देहीं हयि पियरि-पियरि
ब्वालयि मा ड्वालयि डगर-मगर
दुलहिनि अँगरेजी बूँकि चलीं।
उयि-कहिनि 'तनुकु पानी देतिउ?
तब बोली 'कपरा-फींचि' लिह्यन,
पकवानु रहयि सो खुद खायिनि
दुलहिनि अँगरेजी बूँकि चलीं।
जब 'कहिनि तनुकु रोटी करतिउ?'
बोलीं 'हम धुआँ म का करिबयि?'
चूल्हे मा जब मुँहँ झर्रसि गवा,
दुलहिनि अँगरेजी बूँकि चलीं।
सिंग्गारु पटारुयि होति रहा
दस बजे क घण्टा धरि धमका
भूँख अउ पियास की कउनु सुनयि,
दुलहिनि अँगरेजी बूँकि चलीं।
तनखाह भली-चोखी पायिन का,
दर्जी-धोबी चाटि लिहिनि;
धन्ना चिकवा चमकटिया का
दुलहिनि अँगरेजी बूँकि चलीं।
नकुलसु आई, सूटरु आया,
जुर्राबयि भूलीं, चूक परी,
लरिका-परिका पटकयि लागीं,
दुलहिनि अँगरेजी बूँकि चलीं।
larikaunu aaye daphdar te,
dulahini angreji bunki chalin.
ghar baru girihti chaupat kayi
dulahini angreji bunki chalin.
pithi par gathri pothin ki
duyi chari rajahtar kandhe par
kaDhilati,kacharati ghar ka pahunche.
dulahini angreji bunki chali.
vanthan ma lali, munhin ma pauDar
malu dehin hayi piyari piyari
bvalayi ma Dvalayi Dagar magar
dulahini angreji bunki chalin.
uyi kahini tanuku pani detiu?
tab boli kapra phinchi lihyan,
pakvanu rahayi so khud khayini
dulahini angreji bunki chalin.
jab kahini tanuku roti karatiu?
bolin hum dhuan ma ka karibayi?
chulhe ma jab munhan jharrasi gava,
dulahini angreji bunki chalin.
singgaru pataruyi hoti raha
das baje ka ghanta dhari dhamka
bhoonkh au piyas ki kaunu sunayi,
dulahini angreji bunki chalin.
tankhah bhali chokhi payin ka,
darji dhobi chati lihini;
dhanna chikva chamakatiya ka
dulahini angreji bunki chalin.
nakulasu aai, sutaru aaya,
jurrabayi bhulin, chook pari,
larika parika patakayi lagin,
dulahini angreji bunki chalin.
larikaunu aaye daphdar te,
dulahini angreji bunki chalin.
ghar baru girihti chaupat kayi
dulahini angreji bunki chalin.
pithi par gathri pothin ki
duyi chari rajahtar kandhe par
kaDhilati,kacharati ghar ka pahunche.
dulahini angreji bunki chali.
vanthan ma lali, munhin ma pauDar
malu dehin hayi piyari piyari
bvalayi ma Dvalayi Dagar magar
dulahini angreji bunki chalin.
uyi kahini tanuku pani detiu?
tab boli kapra phinchi lihyan,
pakvanu rahayi so khud khayini
dulahini angreji bunki chalin.
jab kahini tanuku roti karatiu?
bolin hum dhuan ma ka karibayi?
chulhe ma jab munhan jharrasi gava,
dulahini angreji bunki chalin.
singgaru pataruyi hoti raha
das baje ka ghanta dhari dhamka
bhoonkh au piyas ki kaunu sunayi,
dulahini angreji bunki chalin.
tankhah bhali chokhi payin ka,
darji dhobi chati lihini;
dhanna chikva chamakatiya ka
dulahini angreji bunki chalin.
nakulasu aai, sutaru aaya,
jurrabayi bhulin, chook pari,
larika parika patakayi lagin,
dulahini angreji bunki chalin.
स्रोत :
पुस्तक : पढ़ीस ग्रंथावली (पृष्ठ 77)संपादक : डॉ. रामविलास शर्मा, युक्तिभद्र दीक्षित रचनाकार : बलभद्रप्रसाद दीक्षित 'पढ़ीस'
प्रकाशन : उत्तर प्रदेश हिन्दी संस्थान, लखनऊ
संस्करण : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
