अहाँक स्मृतिक नोरकेँ
बहबय नहि चाहैत छी हम।
ओकरा बनायब एकटा ज्वालामुखी
जबकल गन्हकौआ पानिकेँ
बहा देबइ बनाकऽ गर्म लावा।
अहाँक घमंडकेँ
नादानी मानि हम क्षमा नहि कऽ सकब
बना लेब ओहिसँ एकटा रोशनाइ
आ
लिखि देबैक संसारक आँखिमे
एकटा नवका मिट्ठ गीत।
सुनरताइक हेठीकेँ बिसरब
हम किन्नहु नहि
घमाकऽ बनायब ओकर
एहन शांति जल
जे सब अभिशप्तकेँ
शापमुक्त करबामे होइक समर्थ।
अहाँक विस्मृत सिनेहकेँ
दर्द बनयसँ पहिले
लेबऽ चाहैत छी उसिनि
अपन रक्तक संग
बँचि सकय कहुना
शेष सम्बन्ध-सूत्रोएबासँ सर्द।
अपमानक कालिमासँ हम
बनि जायब एहन खटखट जे
आर कतहु नहि बचतइक अन्हरिया
काजरो लेल भेटत नहि अहाँकेँ
कतहु कनियो करिखा शेष
तखन इजोतसिँ हम
पड़ैत रहब अहाँकेँ मोन।
ahank smritik norken
bahbay nahi chahait chhi hum.
okra banayab ekta jvalamukhi
jabkal ganhkaua paniken
baha debai banakऽ garm lava.
ahank ghamanDken
nadani mani hum kshama nahi kaऽ sakab
bana leb ohisan ekta roshnai
aa
likhi debaik sansarak ankhime
ekta navka mitth geet.
sunartaik hethiken bisrab
hum kinnahu nahi
ghamakऽ banayab okar
ehan shanti jal
je sab abhishaptken
shapmukt karbame hoik samarth.
ahank vismrit sinehken
dard banayasan pahile
lebऽ chahait chhi usini
apan raktak sang
banchi sakay kahuna
shesh sambandh sutroebasan sard.
apmanak kalimasan hum
bani jayab ehan khatkhat je
aar katahu nahi bachatik anhariya
kajro lel bhetat nahi ahanken
katahu kaniyo karikha shesh
takhan ijotasin hum
paDait rahab ahanken mon.
ahank smritik norken
bahbay nahi chahait chhi hum.
okra banayab ekta jvalamukhi
jabkal ganhkaua paniken
baha debai banakऽ garm lava.
ahank ghamanDken
nadani mani hum kshama nahi kaऽ sakab
bana leb ohisan ekta roshnai
aa
likhi debaik sansarak ankhime
ekta navka mitth geet.
sunartaik hethiken bisrab
hum kinnahu nahi
ghamakऽ banayab okar
ehan shanti jal
je sab abhishaptken
shapmukt karbame hoik samarth.
ahank vismrit sinehken
dard banayasan pahile
lebऽ chahait chhi usini
apan raktak sang
banchi sakay kahuna
shesh sambandh sutroebasan sard.
apmanak kalimasan hum
bani jayab ehan khatkhat je
aar katahu nahi bachatik anhariya
kajro lel bhetat nahi ahanken
katahu kaniyo karikha shesh
takhan ijotasin hum
paDait rahab ahanken mon.
स्रोत :
पुस्तक : क्षमा करब हे महाकवि [मैथिली कविता-संग्रह] (पृष्ठ 32)रचनाकार : श्याम दरिहरे
प्रकाशन : नवारंभ, पटना/मधुबनी
संस्करण : 2016
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
