चानन-सन देह तोहर मलयागिरि-मान
पुलकि-पुलकि उठल सुरभि छबि हमर प्राण।
हरियर तरु-पात साजि
जूमल ऋतुराज।
पहिरि नव रसाल-बाल—
मंजरीक ताज।
मुरली-सन कंठ तोहर आखर अनुपान।
कानमे हिलोर दैत लेल हमर प्राण।
कुंज-कुंज परिमल
उड़बैत, पथ अबीर
झूमि रहल मातल मद—
मोदमे समीर।
किसलय-सन करतल सँ पाबि स्नेह-दान
मोन हमर भीजि गेल, रंग रँगल प्राण।
अन्त धरि दिगन्त केर
फूल लाल लाल!
नाच-रंग, गीत-नाद,
छंद, राग, ताल!
दर्पण-सन रूप तोहर सर्व-समाधान!
प्रतिविम्बित सृष्टि सहित मूर्त हमर प्राण!
हमरा ले वृन्दावन
भेल तोहर गाम।
गाकुल-सन भेल,
तोहर पयर जाहि ठाम।
कालिन्दी आँखि तोहर काजर रस बान।
आकुल-व्याकुल अछि ऊभ-चुभ प्राण।
हिरनी-सन गेल हेरा
कल्पना अबोध।
पाछु तोहर धयने
अनुरागक अनुरोध।
चुम्बक-सन छाँह तोहर अनुपम अनजान
बरजोरी खिंचल हमर तन्त्र-मुग्ध प्राण!
chanan san deh tohar malyagiri maan
pulaki pulaki uthal surbhi chhabi hamar praan.
hariyar taru paat saji
jumal rituraj.
pahiri nav rasal baal—
manjrik taaj.
murli san kanth tohar akhar anupan.
kanme hilor dait lel hamar praan.
kunj kunj parimal
uDbait, path abir
jhumi rahal matal mad—
modme samir.
kislay san kartal san pabi sneh daan
mon hamar bhiji gel, rang rangal praan.
ant dhari digant ker
phool laal laal!
naach rang, geet naad,
chhand, raag, taal!
darpan san roop tohar sarv samadhan!
prativimbit srishti sahit moort hamar praan!
hamra le vrindavan
bhel tohar gaam.
gakul san bhel,
tohar payar jahi thaam.
kalindi ankhi tohar kajar ras baan.
aakul vyakul achhi uubh chubh praan.
hirni san gel hera
kalpana abodh.
pachhu tohar dhayne
anuragak anurodh.
chumbak san chhaanh tohar anupam anjan
barjori khinchal hamar tantr mugdh praan!
chanan san deh tohar malyagiri maan
pulaki pulaki uthal surbhi chhabi hamar praan.
hariyar taru paat saji
jumal rituraj.
pahiri nav rasal baal—
manjrik taaj.
murli san kanth tohar akhar anupan.
kanme hilor dait lel hamar praan.
kunj kunj parimal
uDbait, path abir
jhumi rahal matal mad—
modme samir.
kislay san kartal san pabi sneh daan
mon hamar bhiji gel, rang rangal praan.
ant dhari digant ker
phool laal laal!
naach rang, geet naad,
chhand, raag, taal!
darpan san roop tohar sarv samadhan!
prativimbit srishti sahit moort hamar praan!
hamra le vrindavan
bhel tohar gaam.
gakul san bhel,
tohar payar jahi thaam.
kalindi ankhi tohar kajar ras baan.
aakul vyakul achhi uubh chubh praan.
hirni san gel hera
kalpana abodh.
pachhu tohar dhayne
anuragak anurodh.
chumbak san chhaanh tohar anupam anjan
barjori khinchal hamar tantr mugdh praan!
स्रोत :
पुस्तक : सूर्यमुखी (पृष्ठ 90)रचनाकार : आरसी प्रसाद सिंह
प्रकाशन : मैथिली अकादमी, पटना
संस्करण : 2011
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
