जानि नहि रातुक कोन पहर
मोटा-चोटा बान्हिकऽ निकलल छलैक भीमबहादुर
आन्दोलनी दैत्यसँ त्रसित भऽ
धूरा आ गर्दामे बीतल
नेनपन आ जुआनीक खिस्सा सभकेँ मोटरी बन्हैत
अपन पुरखाक धूरीसँ विक्षिप्त
कोनो अनठियाह गन्तव्य दिस
मुदा सजल आँखिमे छलैक
जानकी स्कूलक चित्र
बारह बिगहा मेला
रामनवमीक भीड़
मुदा चित्र सभ छलैक नोरसँ धुँधियायल
भविष्ये जकाँ
अन्धकार
अदृश्य
दूरसँ उठैत कोनो स्वर झकझोरि दैत छलैक
पहाड़ी भगौड़ा
मधेस छोड़
कर्णभेदी स्वरमे
कतहु अपन परिचित स्वर
कोनो प्रिय स्वर सम्मिश्रित भऽ उठैत छलैक
विश्वासघातसँ उठैत पाथर
बेर-बेर कऽ दैत छलैक आत्मा खण्डित
के छलैक उकसेनिहार
के छलैक ओ
जे सांस्कृतिक मजबूत रेशमी डोरिमे
सम्प्रदायकेँ फाँसी चढ़बऽ लेल आतुर छलैक
मूर्ख रथ केर सारथी, कोनो अवसरवादी
जानि नहि
मुदा रातुक अन्धकारमे
जीवन ओ अस्मिताक रक्षा करैत
नेह-छोह केर बेड़ीसँ खूनेखुनाम भऽ
निकलि रहल छलैक भीमबहादुर
अपने जन्मभूमिसँ शरणार्थी भऽ
तेँ मन छलैक फाटल
गुदरी भेल छलैक विश्वास
जानि नहि, इतिहास बिसरि सकतैक
किंवा भविष्य सीबि सकतैक
फेर ओकर आत्मा
ओकर फाटल मन
जानि नहि...?
jani nahi ratuk kon pahar
mota chota banhikऽ niklal chhalaik bhimabhadur
andolni daityasan trasit bhaऽ
dhura aa gardame bital
nenpan aa juanik khissa sabhken motari banhait
apan purkhak dhurisan vikshipt
kono anathiyah gantavya dis
muda sajal ankhime chhalaik
janki skulak chitr
barah bigha mela
ramanavmik bheeD
muda chitr sabh chhalaik norasan dhundhiyayal
bhavishye jakan
andhkar
adrishya
durasan uthait kono svar jhakjhori dait chhalaik
pahaDi bhagauDa
madhes chhoD
karnbhedi svarme
katahu apan parichit svar
kono priy svar sammishrit bhaऽ uthait chhalaik
vishvasaghatasan uthait pathar
ber ber kaऽ dait chhalaik aatma khanDit
ke chhalaik uksenihar
ke chhalaik o
je sanskritik majbut reshmi Dorime
samprdayken phansi chaDhabऽ lel aatur chhalaik
moorkh rath ker sarthi, kono avsarvadi
jani nahi
muda ratuk andhkarme
jivan o asmitak raksha karait
neh chhoh ker beDisan khunekhunam bhaऽ
nikali rahal chhalaik bhimabhadur
apne janmabhumisan sharnarthi bhaऽ
ten man chhalaik phatal
gudri bhel chhalaik vishvas
jani nahi, itihas bisari saktaik
kinva bhavishya sibi saktaik
pher okar aatma
okar phatal man
jani nahi. . . ?
jani nahi ratuk kon pahar
mota chota banhikऽ niklal chhalaik bhimabhadur
andolni daityasan trasit bhaऽ
dhura aa gardame bital
nenpan aa juanik khissa sabhken motari banhait
apan purkhak dhurisan vikshipt
kono anathiyah gantavya dis
muda sajal ankhime chhalaik
janki skulak chitr
barah bigha mela
ramanavmik bheeD
muda chitr sabh chhalaik norasan dhundhiyayal
bhavishye jakan
andhkar
adrishya
durasan uthait kono svar jhakjhori dait chhalaik
pahaDi bhagauDa
madhes chhoD
karnbhedi svarme
katahu apan parichit svar
kono priy svar sammishrit bhaऽ uthait chhalaik
vishvasaghatasan uthait pathar
ber ber kaऽ dait chhalaik aatma khanDit
ke chhalaik uksenihar
ke chhalaik o
je sanskritik majbut reshmi Dorime
samprdayken phansi chaDhabऽ lel aatur chhalaik
moorkh rath ker sarthi, kono avsarvadi
jani nahi
muda ratuk andhkarme
jivan o asmitak raksha karait
neh chhoh ker beDisan khunekhunam bhaऽ
nikali rahal chhalaik bhimabhadur
apne janmabhumisan sharnarthi bhaऽ
ten man chhalaik phatal
gudri bhel chhalaik vishvas
jani nahi, itihas bisari saktaik
kinva bhavishya sibi saktaik
pher okar aatma
okar phatal man
jani nahi. . . ?
स्रोत :
पुस्तक : धाराक विरुद्ध (पृष्ठ 32)रचनाकार : विजेता चौधरी
प्रकाशन : नवारम्भ
संस्करण : 2019
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
