जिउ कुर्छि - कुर्छि कयि रहि जायी,
जो भोगयी छोंड़िनि अपनि चालु।
संसार कि बटिया परि जायी,
जो भोगयी छोंड़िनि अपनि चालु॥
यी महला अउरु दुमहलन मा
अनु-धनु-लछिमी कयिसे पुरयी।
खँडहर होयि जयिहयिं सोचि लेउ,
जो भोगयी छोंड़िनि अपनि चालु॥
युहु तेल फुलेलु नसेबाजी
फिरि कयिसे सूझी मुटमर्दी।
घुसि जयिहयिं कहाँ उमंगयि यी,
जो भोगयी छोंड़िनि अपनि चालु॥
तोबयि तरवारी कहाँ रहयिं,
फिरि उनका अउर चलायी को॥
आँखी सिलगुटिया चूनि जायिं,
जो भोगयी छोंड़िनि अपनि चालु॥
उयि साहेब हँयि, तुम साहूकार,
उयि फउजदार, तुम जिमींदार।
हर की मुठिया को गहि पायी,
जो भोगयी छोंड़िनि अपनि चालु॥
च्यातउ-च्यातउ, स्वाचउ-स्वाचउ,
ओ! बड़े पढ़ीसउ दुनिया के।
कउने कर ऊँटु बइठि जायी,
जो भोगयी छोंड़िनि अपनु चालु॥
दुनिया की कर, जिंदगी की जर
उइ लीन्हे बइठ जुगाधिन ते।
फिरि देखि लेउ का होयि जायी,
जो भोगयी छोंड़िनि अपनि चालु॥
jiu kurchhi kurchhi kayi rahi jayi,
jo bhogyi chhonDini apani chalu.
sansar ki batiya pari jayi,
jo bhogyi chhonDini apani chalu॥
yi mahla auru dumahlan ma
anu dhanu lachhimi kayise puryi.
khanDahar hoyi jayihayin sochi leu,
jo bhogyi chhonDini apani chalu॥
yuhu tel phulelu nasebaji
phiri kayise sujhi mutmardi.
ghusi jayihayin kahan umangayi yi,
jo bhogyi chhonDini apani chalu॥
tobayi tarvari kahan rahayin,
phiri unka aur chalayi ko॥
ankhi silagutiya chuni jayin,
jo bhogyi chhonDini apani chalu॥
uyi saheb hanyi, tum sahukar,
uyi phaujdar, tum jimindar.
har ki muthiya ko gahi payi,
jo bhogyi chhonDini apani chalu॥
chyatau chyatau, svachau svachau,
o! baDe paDhisau duniya ke.
kaune kar uuntu baithi jayi,
jo bhogyi chhonDini apanu chalu॥
duniya ki kar, jindgi ki jar
ui linhe baith jugadhin te.
phiri dekhi leu ka hoyi jayi,
jo bhogyi chhonDini apani chalu॥
jiu kurchhi kurchhi kayi rahi jayi,
jo bhogyi chhonDini apani chalu.
sansar ki batiya pari jayi,
jo bhogyi chhonDini apani chalu॥
yi mahla auru dumahlan ma
anu dhanu lachhimi kayise puryi.
khanDahar hoyi jayihayin sochi leu,
jo bhogyi chhonDini apani chalu॥
yuhu tel phulelu nasebaji
phiri kayise sujhi mutmardi.
ghusi jayihayin kahan umangayi yi,
jo bhogyi chhonDini apani chalu॥
tobayi tarvari kahan rahayin,
phiri unka aur chalayi ko॥
ankhi silagutiya chuni jayin,
jo bhogyi chhonDini apani chalu॥
uyi saheb hanyi, tum sahukar,
uyi phaujdar, tum jimindar.
har ki muthiya ko gahi payi,
jo bhogyi chhonDini apani chalu॥
chyatau chyatau, svachau svachau,
o! baDe paDhisau duniya ke.
kaune kar uuntu baithi jayi,
jo bhogyi chhonDini apanu chalu॥
duniya ki kar, jindgi ki jar
ui linhe baith jugadhin te.
phiri dekhi leu ka hoyi jayi,
jo bhogyi chhonDini apani chalu॥
स्रोत :
पुस्तक : पढ़ीस ग्रंथावली (पृष्ठ 86)संपादक : डॉ. रामविलास शर्मा, युक्तिभद्र दीक्षित रचनाकार : बलभद्रप्रसाद दीक्षित 'पढ़ीस'
प्रकाशन : उत्तर प्रदेश हिन्दी संस्थान, लखनऊ
संस्करण : 1998
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
