स्वर्ग परलोक केर गप्प कहैत आएल छी
आत्मा अमरत्वक संदेश दैत आएल छी
पुनर्जन्म मोक्ष केर बात बजैत आएल छी
देवी और देवताक नाम जपैत आएल छी
हम छी पुछैत एना किऐ करैत आएल छी
हमरा परतारू जुनि हम अशान्त आएल छी
गीताक उपदेश यदि शोक कैं उड़ा दितइ
वेदान्त मलहम जकाँ घावकेँ पुरा दितइ
मंत्र यदि काल सर्प केर फन थुरा दितइ
तंत्र यदि कहियो मुइल लोक केँ घुरा दितइ
हमहु तखन कहितहुँ जे शास्त्र केर कायल छी
हमरा परतारू जुनि हम अशान्त घायल छी
तीर्थव्रत यज्ञ यदि प्राणकेँ पलटि दितइ
कीर्तन भजन जाप मृत्युकेँ उनटि दितइ
दान पुण्य द्वारा यदि मोह केर व्यथा हटितइ
ध्यान योग कैने यदि करेज ई नहि फटितइ
सभटा करितिऐक किन्तु मर्माहत शोकायल छी
हमरा परतारू जुनि हम अशान्त घायल छी
काल केर निष्ठुर प्रहारें तिलमिलाएल छी।
विधि केर विधान देखि क्षुब्ध विधुआएल छी।
लोकक प्रपंच जाल मध्य ओझरायल छी।
वाण विद्ध पक्षी जकाँ विवश छटपटायल छी।
शान्ति नहि भेटैछ कतहु घोर भकुआएल छी।
हमरा परतारू जुनि हम अशान्त घायल छी।
कर्म फलक बात सूनि देह जरि जाइत अछि
इश्वरी न्याय देखि शूल गड़ि जाइत अछि
कथा पुराण सूनि और नोर भरि जाइत अछि
मंदिर मे मूर्ति देखि मन पड़ि जाइत अछि
सोन सन बच्चा चलि गेल हम चोटायल छी
हमरा परतारू जुनि हम अशान्त घायल छी
svarg parlok ker gapp kahait aayel chhi
aatma amratvak sandesh dait aayel chhi
punarjanm moksh ker baat bajait aayel chhi
devi aur devtak naam japait aayel chhi
hum chhi puchhait ena kiai karait aayel chhi
hamra partaru juni hum ashant aayel chhi
gitak updesh yadi shok kain uDa ditai
vedant malham jakan ghavken pura ditai
mantr yadi kaal sarp ker phan thura ditai
tantr yadi kahiyo muil lok ken ghura ditai
hamahu takhan kahitahun je shaastr ker kayal chhi
hamra partaru juni hum ashant ghayal chhi
tirthavrat yagya yadi pranken palati ditai
kirtan bhajan jaap mrityuken unati ditai
daan punya dvara yadi moh ker vyatha hatitai
dhyaan yog kaine yadi karej ii nahi phatitai
sabhta karitiaik kintu marmahat shokayal chhi
hamra partaru juni hum ashant ghayal chhi
kaal ker nishthur prharen tilamilayel chhi.
vidhi ker vidhan dekhi kshubdh vidhuael chhi.
lokak prpanch jaal madhya ojhrayal chhi.
vaan viddh pakshi jakan vivash chhataptayal chhi.
shanti nahi bhetaichh katahu ghor bhakuael chhi.
hamra partaru juni hum ashant ghayal chhi.
karm phalak baat suni deh jari jait achhi
ishvri nyaay dekhi shool gaDi jait achhi
katha puran suni aur nor bhari jait achhi
mandir mae murti dekhi man paDi jait achhi
son san bachcha chali gel hum chotayal chhi
hamra partaru juni hum ashant ghayal chhi
svarg parlok ker gapp kahait aayel chhi
aatma amratvak sandesh dait aayel chhi
punarjanm moksh ker baat bajait aayel chhi
devi aur devtak naam japait aayel chhi
hum chhi puchhait ena kiai karait aayel chhi
hamra partaru juni hum ashant aayel chhi
gitak updesh yadi shok kain uDa ditai
vedant malham jakan ghavken pura ditai
mantr yadi kaal sarp ker phan thura ditai
tantr yadi kahiyo muil lok ken ghura ditai
hamahu takhan kahitahun je shaastr ker kayal chhi
hamra partaru juni hum ashant ghayal chhi
tirthavrat yagya yadi pranken palati ditai
kirtan bhajan jaap mrityuken unati ditai
daan punya dvara yadi moh ker vyatha hatitai
dhyaan yog kaine yadi karej ii nahi phatitai
sabhta karitiaik kintu marmahat shokayal chhi
hamra partaru juni hum ashant ghayal chhi
kaal ker nishthur prharen tilamilayel chhi.
vidhi ker vidhan dekhi kshubdh vidhuael chhi.
lokak prpanch jaal madhya ojhrayal chhi.
vaan viddh pakshi jakan vivash chhataptayal chhi.
shanti nahi bhetaichh katahu ghor bhakuael chhi.
hamra partaru juni hum ashant ghayal chhi.
karm phalak baat suni deh jari jait achhi
ishvri nyaay dekhi shool gaDi jait achhi
katha puran suni aur nor bhari jait achhi
mandir mae murti dekhi man paDi jait achhi
son san bachcha chali gel hum chotayal chhi
hamra partaru juni hum ashant ghayal chhi
स्रोत :
पुस्तक : हरिमोहन झा रचनावली खण्ड-4 (पृष्ठ 136)रचनाकार : हरिमोहन झा
प्रकाशन : जनसीदन प्रकाशन
संस्करण : 1999
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
