हमर अस्तित्वक पहिचान
आँचरक दैत छाहरि
हृदयसँ ममताक गाबैत गीत
अपन मोनकेँ मारैत आ
हमर मोनकेँ आश्वस्त करैत
जे रहैत अछि सदति मुस्काइत
ओ थिक हमर माँ
हृदयमे रखने अनन्त सिनेह
सागर सन गहींर
बसात सन शीतल
जे हमर मिसिया भरि आह केला पर
भऽ जाय अपस्याँत
ओ थिक हमर माँ
हमर सभटा दुख
अपनामे समेटैत
अपन सभटा सुख
हमरा पर छिड़ियाबैत
अपन ममत्वक सुगन्धिसँ
हमर जिनगी गमकाबैत
स्नेहसुधा बिलहैत
ओ थिक हमर माँ
माँक आँखिमे अछि करूणाक ज्योति
ओकर हृदयमे छैक अगबे दुलार
आ माथमे हमर भविष्यक चिन्ता
हमरा सभक जिनगीक लेल
जे झगड़ि जाइत अछि मृत्युओसँ
ओ थिक हमर माँ
कखनो तमसबैत, कखनो बुझाबैत
तँ कखनो गऽर लगाबैत
सिनेहक मूरूत आ हमर
सबटा चोटक दवाइ अछि माँ
जे सम्पूर्ण धरतीसँ पैघ अछि
ओकरा किछु शब्दक बन्हनमे
नहि बान्हल जा सकैत अछि
जे हमरा लेल अछि ईश्वरोसँ
महत्वपूर्ण
ओ थिक हमर माँ
hamar astitvak pahichan
ancharak dait chhahari
hridayasan mamtak gabait geet
apan monken marait aa
hamar monken ashvast karait
je rahait achhi sadati muskait
o thik hamar maan
hridayme rakhne anant sineh
sagar san gahinr
basat san shital
je hamar misiya bhari aah kela par
bhaऽ jaay apasyant
o thik hamar maan
hamar sabhta dukh
apname sametait
apan sabhta sukh
hamra par chhiDiyabait
apan mamatvak sugandhisan
hamar jingi gamkabait
snehasudha bilhait
o thik hamar maan
maank ankhime achhi karunak jyoti
okar hridayme chhaik agbe dular
aa mathme hamar bhavishyak chinta
hamra sabhak jingik lel
je jhagaDi jait achhi mrityuosan
o thik hamar maan
kakhno tamasbait, kakhno bujhabait
tan kakhno gaऽra lagabait
sinehak murut aa hamar
sabta chotak davai achhi maan
je sampurn dharatisan paigh achhi
okra kichhu shabdak banhanme
nahi banhal ja sakait achhi
je hamra lel achhi iishvarosan
mahatvpurn
o thik hamar maan
hamar astitvak pahichan
ancharak dait chhahari
hridayasan mamtak gabait geet
apan monken marait aa
hamar monken ashvast karait
je rahait achhi sadati muskait
o thik hamar maan
hridayme rakhne anant sineh
sagar san gahinr
basat san shital
je hamar misiya bhari aah kela par
bhaऽ jaay apasyant
o thik hamar maan
hamar sabhta dukh
apname sametait
apan sabhta sukh
hamra par chhiDiyabait
apan mamatvak sugandhisan
hamar jingi gamkabait
snehasudha bilhait
o thik hamar maan
maank ankhime achhi karunak jyoti
okar hridayme chhaik agbe dular
aa mathme hamar bhavishyak chinta
hamra sabhak jingik lel
je jhagaDi jait achhi mrityuosan
o thik hamar maan
kakhno tamasbait, kakhno bujhabait
tan kakhno gaऽra lagabait
sinehak murut aa hamar
sabta chotak davai achhi maan
je sampurn dharatisan paigh achhi
okra kichhu shabdak banhanme
nahi banhal ja sakait achhi
je hamra lel achhi iishvarosan
mahatvpurn
o thik hamar maan
स्रोत :
पुस्तक : चौकठिसँ चान दिस (पृष्ठ 16)रचनाकार : दीपिका चन्द्रा
प्रकाशन : किसुन संकल्प लोक, सुपौल
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
