हम नहि हुए चाहैत छी
सीता आ कि द्रौपदी
जुनि करू हमर तुलना कोनो सतीसँ
कियैक त' मोन पड़ि जाइत अछि
ओ पीड़ा, ओ कष्ट, ओ वेदना
ओ अपमानक दंश
जे भोगने रही हम तखन
जखन मर्यादा पुरुषोत्तम मँगने रहथि
हमर सतीत्वक प्रमाण
मोन पड़ि जाइत अछि
नपुंसक सभसँ भरल ओ सभागार
जाहिमे एकटा अमर्यादित पुरुष
हाथ रखने रहय हमरा वस्त्रपर
करय चाहैत रहय हमरा निर्वस्त्र
नहि बिसरलहुँ हम एखन धरि
अग्निपरीक्षा आ कि चीरहरण
अँय यौ
कोन प्रतिष्ठा
सीता किंबा द्रौपदी होयबामे
अपन पतीक संग
वनवास आ कि अज्ञातवास
आइयो जा सकैत छी हम खुशीसँ
मुदा
अग्निपरीक्षा?
किन्नहुँ नहि
लाज बचेबाक लेल
कोनो कृष्णसँ गोहारि
किन्नहुँ नहि
हम काटि लेबैक
दुःशासनक बाँहि
तोड़ि देबैक दुर्योधनक जाँघ
स्वेच्छासँ छोड़ि देबनि रामक संग
नारी बनि आयल छी एहि धरापर
नारिये रहब, भने रहब
आब नहि नीक लगैत अछि
देवीक सम्बोधन
सीता किंबा द्रौपदीक प्रतिनिधि भेनाइ!
hum nahi hue chahait chhi
sita aa ki draupadi
juni karu hamar tulna kono satisan
kiyaik ta mon paDi jait achhi
o piDa, o kasht, o vedna
o apmanak dansh
je bhogne rahi hum takhan
jakhan maryada purushottam mangane rahathi
hamar satitvak prmaan
mon paDi jait achhi
napunsak sabhasan bharal o sabhagar
jahime ekta amaryadit purush
haath rakhne rahay hamra vastrpar
karay chahait rahay hamra nirvastr
nahi bisaralahun hum ekhan dhari
agnipriksha aa ki chirahran
anya yau
kon pratishtha
sita kimba draupadi hoybame
apan patik sang
vanvas aa ki agyatvas
aiyo ja sakait chhi hum khushisan
muda
agnipriksha?
kinnahun nahi
laaj bachebak lel
kono krishnasan gohari
kinnahun nahi
hum kati lebaik
duःshasnak banhi
toDi debaik duryodhnak jaangh
svechchhasan chhoDi debani ramak sang
nari bani aayal chhi ehi dharapar
nariye rahab, bhane rahab
aab nahi neek lagait achhi
devik sambodhan
sita kimba draupdik pratinidhi bhenai!
hum nahi hue chahait chhi
sita aa ki draupadi
juni karu hamar tulna kono satisan
kiyaik ta mon paDi jait achhi
o piDa, o kasht, o vedna
o apmanak dansh
je bhogne rahi hum takhan
jakhan maryada purushottam mangane rahathi
hamar satitvak prmaan
mon paDi jait achhi
napunsak sabhasan bharal o sabhagar
jahime ekta amaryadit purush
haath rakhne rahay hamra vastrpar
karay chahait rahay hamra nirvastr
nahi bisaralahun hum ekhan dhari
agnipriksha aa ki chirahran
anya yau
kon pratishtha
sita kimba draupadi hoybame
apan patik sang
vanvas aa ki agyatvas
aiyo ja sakait chhi hum khushisan
muda
agnipriksha?
kinnahun nahi
laaj bachebak lel
kono krishnasan gohari
kinnahun nahi
hum kati lebaik
duःshasnak banhi
toDi debaik duryodhnak jaangh
svechchhasan chhoDi debani ramak sang
nari bani aayal chhi ehi dharapar
nariye rahab, bhane rahab
aab nahi neek lagait achhi
devik sambodhan
sita kimba draupdik pratinidhi bhenai!
स्रोत :
पुस्तक : ई नहि थिक हमर प्रार्थना (पृष्ठ 56)रचनाकार : आनन्द मोहन झा
प्रकाशन : नवारम्भ, मधुबनी/पटना
संस्करण : 2020
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
