मोन पड़ल अपन माटि
निकलि गेलहुँ मिथिलाक यात्रा पर
बहुत हेरलाक बाद भेटल 'मिथिला'
सीमान पर लागल छलै
एकटा साइनबोर्ड
'मिथिला वेलकम्स यू'
शहर मे पैसिते अकचका गेलहुँ
बुद्धिजीवी लोक प्रायः अंग्रेजी बाजै छथि
किछु लोक हिन्दी सेहो
अलोपि गेल अछि 'पग-पग पोखरि’
निपत्ता अछि पान, माछ, मखान
ताहि बीच
एकटा पैघ भवन देखलहुँ
म्यूजियम सन बुझना गेल
ओकर माथ पर लिखल छलै
'वी सेभ आवर हेरीटेज'
हम प्रवेश कयलहुँ
कतेको शीशा मे संजोगल छल संस्कृति
पाग आ धोती
विद्यापति, मंडन, अयाची आ जानकीक
जीर्ण-शीर्ण प्रतिमा
अरिपनक पुरातात्त्विक चित्र
मैथिली भाषाक किछु अवशेष
देखैत-देखैत
झनझना उठल माथ
हम बाहर पड़ेलहुँ
नजरि घुमेलहुँ चारू कात
नम्हर-नम्हर महल
व्यस्त लोक
तथाकथित विकसित शहर
निर्लज्ज समाज, गुम संस्कृति
सभ्यता बचेबाक भाभट
मोन चेहा उठल
हम पड़ेलहुँ
दम घोंटि देत
ई शहर सभ केँ गिड़ि जायत
भागैत गेलहुँ, भागैत गेलहुँ
पैर ओझरा गेल
ठामहि खसि पड़लहुँ
आह! स्वप्न छल
भूलकि गेल रोइयाँ
हे माँ मैथिली!
ई कहियो सत्य नहि होइ
नहि! नहि! कहियो नहि!
mon paDal apan mati
nikali gelahun mithilak yatra par
bahut herlak baad bhetal mithila
siman par lagal chhalai
ekta sainborD
mithila velkams yoo
shahr mae paisite akachka gelahun
buddhijivi lok praayः angreji bajai chhathi
kichhu lok hindi seho
alopi gel achhi pag pag pokhari’
nipatta achhi paan, maachh, makhan
tahi beech
ekta paigh bhavan dekhalahun
myujiyam san bujhna gel
okar maath par likhal chhalai
vi sebh aavar heritej
hum pravesh kayalahun
kateko shisha mae sanjogal chhal sanskriti
paag aa dhoti
vidyapati, manDan, ayachi aa jankik
jeern sheern pratima
aripnak puratattvik chitr
maithili bhashak kichhu avshesh
dekhait dekhait
jhanjhana uthal maath
hum bahar paDelahun
najri ghumelahun charu kaat
namhar namhar mahl
vyast lok
tathakathit viksit shahr
nirlajj samaj, gum sanskriti
sabhyata bachebak bhabhat
mon cheha uthal
hum paDelahun
dam ghonti det
ii shahr sabh ken giDi jayat
bhagait gelahun, bhagait gelahun
pair ojhra gel
thamahi khasi paDalahun
aah! svapn chhal
bhulaki gel roiyan
he maan maithili!
ii kahiyo satya nahi hoi
nahi! nahi! kahiyo nahi!
mon paDal apan mati
nikali gelahun mithilak yatra par
bahut herlak baad bhetal mithila
siman par lagal chhalai
ekta sainborD
mithila velkams yoo
shahr mae paisite akachka gelahun
buddhijivi lok praayः angreji bajai chhathi
kichhu lok hindi seho
alopi gel achhi pag pag pokhari’
nipatta achhi paan, maachh, makhan
tahi beech
ekta paigh bhavan dekhalahun
myujiyam san bujhna gel
okar maath par likhal chhalai
vi sebh aavar heritej
hum pravesh kayalahun
kateko shisha mae sanjogal chhal sanskriti
paag aa dhoti
vidyapati, manDan, ayachi aa jankik
jeern sheern pratima
aripnak puratattvik chitr
maithili bhashak kichhu avshesh
dekhait dekhait
jhanjhana uthal maath
hum bahar paDelahun
najri ghumelahun charu kaat
namhar namhar mahl
vyast lok
tathakathit viksit shahr
nirlajj samaj, gum sanskriti
sabhyata bachebak bhabhat
mon cheha uthal
hum paDelahun
dam ghonti det
ii shahr sabh ken giDi jayat
bhagait gelahun, bhagait gelahun
pair ojhra gel
thamahi khasi paDalahun
aah! svapn chhal
bhulaki gel roiyan
he maan maithili!
ii kahiyo satya nahi hoi
nahi! nahi! kahiyo nahi!
स्रोत :
पुस्तक : पेटकुनियाँ लधने प्रश्न (पृष्ठ 95)रचनाकार : सुमित मिश्र गुंजन
प्रकाशन : नवारम्भ, पटना/मधुबनी
संस्करण : 2024
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
