ankhon ko wo ab nonch raha.
manav! ab bhi kya soch raha?
tere hi hath ka karan ye.
hai khatarnak uchcharan yah॥
wo kal yug ka khar dushan hai.
manav! wo maha prdushan hai.
kyon kaat diye tune jangal?
tu fateh kar raha hai mangal.
par prithvi ko tu jala raha.
sapnon ki nagri saja raha.
ghar nahin rahega aage tu.
phir saja raha hai nagri kyoon?
har jagah prdushan chhaya hai.
ye manav ki hi maya hai.
pahle kyoon na sankoch kiya?
ab ankhon ko teri nonch liya.
ab shvaans mil rahi jahrili.
jivan ki saDken pathrili.
kahte hain jal hi jivan hai.
jal se jivan mein upvan hai.
par jal bhi aaj pardushit hai.
ye zahr har jagah bhushit hai.
manav peDon ko kaat tha.
wo zahr har jagah baant raha.
fir kahte hain manav mahan.
jay manav aur jay vigyan.
par donon prkriti ke dushman.
ab jhulas raha jivan upvan.
ab iska koi upaye kaho.
jisse prkriti dushit na ho.
yahi manav laye suvyavhar.
kar sakta sabka uddhaar.
