महुआ के महिमा बा बहुतै अगम अपार सजनी।
महुआ कूँच से तरई टपकै, मह मह मह महुआरी महकै
साँझ सबेरे चिरई चहकैं, भ गुलजार सजनी।
महुआ कुदरत के उपहार, महुआ मधुरस के भंडार,
दुखी गरीबन के आहार, सिरजनहार सजनी।
चूवै भदर भदर खुब महुआ, बिनते सासु ननद अउ बहुआ
भरिके भउका डलिया झउआ, महकै द्वार सजनी
महुआ अहै गरीब के मेवा, दूध में चुरवा करौ कलेवा
जी भर खाइ के मोछा टेवा, लेहुँ डकार सजनी।
महुआ के रसवा लेव गार, लपसी बने जायकेदार
मिलि के खाओ कुल परिवार, लज्जतदार सजनी।
बनवा पुआ, गुलगुला, लाटा, जीभर खाइके ओठवा चाटा
रान पड़ोसिउ के खुब बाँटा, बड़ बेवहार सजनी।
महुआ के समझौ बादाम, बिकता बहुतै सस्ते दाम
खाओ सुबह-दोपहर-साम, चमकै चाम सजनी।
सुन्नर कोवा के तरकारी, उत्तम स्वाद और बलकारी
नाहीं आवे पास बीमारी, अति गुणकारी सजनी।
महुआ तेल औषधी माना, नरम मुलायम पूड़ी छाना
साबुन बनइ तेल से जाना, हो बेवपार सजनी।
महुआ से जे बनवै दारू, ओकर भागि जाइ मेहरारू
जूता, चप्पल, बेलना, झाडू, पड़े कपार सजनी।
mahua ke mahima ba bahutai agam apar sajni.
mahua koonch se tarii tapakai, mah mah mah mahuari mahakai
saanjh sabere chirii chahakain, bha guljar sajni.
mahua kudrat ke uphaar, mahua madhuras ke bhanDar,
dukhi gariban ke ahar, sirajanhar sajni.
chuvai bhadar bhadar khub mahua, binte sasu nanad au bahua
bharike bhauka Daliya jhaua, mahakai dvaar sajni
mahua ahai garib ke meva, doodh mein churva karau kaleva
ji bhar khai ke mochha teva, lehun Dakar sajni.
mahua ke rasva lev gaar, lapsi bane jayakedar
mili ke khao kul parivar, lajjatdar sajni.
banva pua, gulgula, lata, jibhar khaike othva chata
raan paDosiu ke khub banta, baD bevhar sajni.
mahua ke samjhau badam, bikta bahutai saste daam
khao subah dopahar saam, chamakai chaam sajni.
sunnar kova ke tarkari, uttam svaad aur balkari
nahin aave paas bimari, ati gunkari sajni.
mahua tel aushdhi mana, naram mulayam puDi chhana
sabun banai tel se jana, ho bevpar sajni.
mahua se je banavai daru, okar bhagi jai mehraru
juta, chappal, belna, jhaDu, paDe kapar sajni.
mahua ke mahima ba bahutai agam apar sajni.
mahua koonch se tarii tapakai, mah mah mah mahuari mahakai
saanjh sabere chirii chahakain, bha guljar sajni.
mahua kudrat ke uphaar, mahua madhuras ke bhanDar,
dukhi gariban ke ahar, sirajanhar sajni.
chuvai bhadar bhadar khub mahua, binte sasu nanad au bahua
bharike bhauka Daliya jhaua, mahakai dvaar sajni
mahua ahai garib ke meva, doodh mein churva karau kaleva
ji bhar khai ke mochha teva, lehun Dakar sajni.
mahua ke rasva lev gaar, lapsi bane jayakedar
mili ke khao kul parivar, lajjatdar sajni.
banva pua, gulgula, lata, jibhar khaike othva chata
raan paDosiu ke khub banta, baD bevhar sajni.
mahua ke samjhau badam, bikta bahutai saste daam
khao subah dopahar saam, chamakai chaam sajni.
sunnar kova ke tarkari, uttam svaad aur balkari
nahin aave paas bimari, ati gunkari sajni.
mahua tel aushdhi mana, naram mulayam puDi chhana
sabun banai tel se jana, ho bevpar sajni.
mahua se je banavai daru, okar bhagi jai mehraru
juta, chappal, belna, jhaDu, paDe kapar sajni.
स्रोत :
पुस्तक : अलगौझी (पृष्ठ 64)रचनाकार : मोहनलाल यादव
प्रकाशन : हंस प्रकाशन, नई दिल्ली
संस्करण : 2023
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
